影片
更多
2014-10-05
983 浏览
今日中午专登嚟呢度试下，但极之失望！我 ordered 咗喇沙同多士套餐。 因为好怕半生孰蛋嘅水汪汪， 已经同收银嘅女仔讲明我要熟蛋。收银嘅女仔问我咖啡需唔需要少甜，我话要。同 Toastbox 一样，ordered 完会俾个号码牌放枱上，由 food runner 送餐。先到嘅系两杯咖啡，同我地讲系少糖，当时发觉佢咁讲好奇怪，因为南洋咖啡唔应该加糖，而系加练奶。呷咗一啖，发觉同饮开嘅南洋咖啡好唔同，落嘅系花奶而唔系炼奶，好似茶餐厅嘅咖啡。之后嚟嘅系喇沙，味道ok，但只有椰汁味，欠缺咗虾米嘅香味。再嚟嘅系牛油咖椰多士，多士切成四件，细细件食得方便。有大量咖椰，不过较稀，容易漏出，但味道不错。食完以上食物，都未送只熟蛋嚟，于是再研究一下餐牌，发现咖啡可以加甜奶、淡奶同黑白奶，老公话原来张单打咗淡奶。于是走去收银问刚才嘅女仔，点解俾淡奶我，唔俾炼奶，收银嘅女仔话因为今日冇炼奶。唔怪之送餐果女仔话系少糖喇。但咁点解刚才我order 嘅时候唔同我讲，咁我就唔会要咖啡，而加钱改为要薏米水。比佢激死！最后两只蛋同豉油、胡椒粉到咗。噢！变咗生熟蛋，同送餐果位男仔讲，我要熟蛋咖㖞，送餐嘅话，佢地嘅熟蛋
我 ordered 咗喇沙同多士套餐。 因为好怕半生孰蛋嘅水汪汪， 已经同收银嘅女仔讲明我要熟蛋。收银嘅女仔问我咖啡需唔需要少甜，我话要。
同 Toastbox 一样，ordered 完会俾个号码牌放枱上，由 food runner 送餐。
先到嘅系两杯咖啡，同我地讲系少糖，当时发觉佢咁讲好奇怪，因为南洋咖啡唔应该加糖，而系加练奶。呷咗一啖，发觉同饮开嘅南洋咖啡好唔同，落嘅系花奶而唔系炼奶，好似茶餐厅嘅咖啡。
之后嚟嘅系喇沙，味道ok，但只有椰汁味，欠缺咗虾米嘅香味。
再嚟嘅系牛油咖椰多士，多士切成四件，细细件食得方便。有大量咖椰，不过较稀，容易漏出，但味道不错。
食完以上食物，都未送只熟蛋嚟，于是再研究一下餐牌，发现咖啡可以加甜奶、淡奶同黑白奶，老公话原来张单打咗淡奶。于是走去收银问刚才嘅女仔，点解俾淡奶我，唔俾炼奶，收银嘅女仔话因为今日冇炼奶。唔怪之送餐果女仔话系少糖喇。但咁点解刚才我order 嘅时候唔同我讲，咁我就唔会要咖啡，而加钱改为要薏米水。比佢激死！
最后两只蛋同豉油、胡椒粉到咗。噢！变咗生熟蛋，同送餐果位男仔讲，我要熟蛋咖㖞，送餐嘅话，佢地嘅熟蛋系烚蛋。于是我又走去收银问佢，我要熟蛋，点解俾生熟蛋我，女仔话佢地嘅熟蛋系烚蛋，问我系咪要。我当然要喇。于是又要再等，等到唔耐烦仲未有人拎只蛋嚟，老公自己去攞。老公话食完快D走，又发现豉油唔系星加坡嘅甜豉油，冇甜味只有咸味，极其量老抽嚟。
好多嘢货不对办，service 又麻麻，个餐仲要贵过第二间星咖坡咖央多店，一定唔会再帮衬。
张贴
