糖品 (已結業)

个晚一行六人去食完打边边，之后见时间尚早，继续再系东大街再揾过食。结果我哋求其揾间甜品屋来试下，行行比我哋揾到「糖品」呢间甜品屋，而且又即刻有位安排入座，你哋知啦系东大街啲铺头都好细间，坐位有限，仲要系我哋都有成6个人，坐嘅位都舒服，一啲都唔迫，环境又唔错，真的好好彩!食甜品呢家嘢会真系令人开心又兴奋，见到MENU上嘅图，咩到想食，最亮点位系呢间铺用嘅雪糕系MOVENPICK, WOW 超吸引!!!大家谂咗一阵，最后我哋就叫咗1个火焰雪山、3个朱古力冰露、1个朱古力心太软配朱古力雪糕，同1个绿茶心太软配士多啤利雪糕。首先讲下个「火焰雪山」先，当然大家食过都知系会点火，玩下花臣，都几特别下。不过一提如果叫呢款甜品，考虑下自己系好食得之人先好一人去食火焰雪山，如果唔咪最好系2个人先好食一个，原因系会越食越腻。而我当然拣咗我至爱嘅「绿茶心太软配士多啤利雪糕」，WOW……真的好好味，好浓嘅绿茶留心，又唔甜，又好热再加上冰冻士多啤利雪糕，甜甜地加一点酸酸地嘅感觉，简直系绝配。讲真，呢间甜品屋卖相好正，最重要系好好味，而且服务都OK，真系值得推介!!!