沁沁麫 (已結業)

早已经从街坊们听闻呢间沁沁面系好好味，但系之前想食时门口大排长龙所以无食到，今日去佢对面间百佳超市买嘢，见到唔洗排队就入去试吓。入到去见到店舖地方不大，中午午饭时间都只系坐满一半客人，看来疫情对呢间沁沁面的确有影响。男店员招呼咗我坐低，就话推介佢哋招牌沁沁饭、又话限量、又话刚刚煲起系最香，见佢咁讲就试吓啦⋯⋯好快个沁沁饭就到，闻一闻又真系几香，饭上面有一片脆脆嘅饭焦，腊肠、润肠、腊鸭、滑鸡各有两件。试一啖个饭有淡淡香料味，又有腊味与鸡味，又真系几好食，好快就食晒个饭，的确几满足。最特别系，我通常食亲腊味饭之后都会感到好油腻，但呢个腊味饭刚刚相反，饭粒不油腻之余，连腊味同鸡都唔油，值得写个食评去赞下佢。呢间沁沁面一定有下次，下次要试佢其他嘢食先。