影片
更多
2019-12-30
768 浏览
又一间无限时任食, 最啱咁耐冇见, 成班人一齐吹水, 仲要佢个名堂够劲, 同埋比佢个所谓"御善火锅十二宫"吸引, 真系要去见识见识~又系我第一个打头阵, 咁早去到又未齐人, 梗系周围八下, 视察下环境先................呢度成层都系佢, 所以地方都算好大, 装修又真系几宫廷式, 靠窗系全卡位, 靠门口系半卡位, 中间系普通方枱, 但都有d八人大卡位, 估唔到唔系假期前夕都咁多人, 见到d八人卡位要搭枱, 虽然中间有块板隔一隔, 但我都系钟意自己一张枱, 吹水都畅快d~拎饮品同酱料系分开两边, 装饮品个雪柜够开扬, 一入门口就会见到, 而放酱料地方就要入少少, 同埋好似暗d, 不过佢装酱料果d器皿又好鬼死古式, 就算响中式酒楼都未必见得到, 非常有特式~姐姐见到我得一个人, 同埋果阵又未有乜客, 就问驶唔驶介绍一下, 定系等齐人先介绍? 咁反正我同佢都得闲, 咪由佢介绍下先, 废事等阵人多开始忙就冇咁好招呼~原来系要按佢指定次序去食, 佢会等你食完一个程序, 佢先会继续下一个程序, 每张枱上面都有张指示图, 因为佢有12个程序, 所以叫做"御善火锅十二宫", 咁话哂系中式,
又系我第一个打头阵, 咁早去到又未齐人, 梗系周围八下, 视察下环境先................呢度成层都系佢, 所以地方都算好大, 装修又真系几宫廷式, 靠窗系全卡位, 靠门口系半卡位, 中间系普通方枱, 但都有d八人大卡位, 估唔到唔系假期前夕都咁多人, 见到d八人卡位要搭枱, 虽然中间有块板隔一隔, 但我都系钟意自己一张枱, 吹水都畅快d~
拎饮品同酱料系分开两边, 装饮品个雪柜够开扬, 一入门口就会见到, 而放酱料地方就要入少少, 同埋好似暗d, 不过佢装酱料果d器皿又好鬼死古式, 就算响中式酒楼都未必见得到, 非常有特式~
姐姐见到我得一个人, 同埋果阵又未有乜客, 就问驶唔驶介绍一下, 定系等齐人先介绍? 咁反正我同佢都得闲, 咪由佢介绍下先, 废事等阵人多开始忙就冇咁好招呼~
原来系要按佢指定次序去食, 佢会等你食完一个程序, 佢先会继续下一个程序, 每张枱上面都有张指示图, 因为佢有12个程序, 所以叫做"御善火锅十二宫", 咁话哂系中式, 梗系由子时开始, 即系11点方向, 一步一步去食..................
1)自助健康饮品 (差不多廿款)
两个大雪柜装得满满, 一个雪柜系一般的汽水及茶类罐装/纸包饮品外, 另一个雪柜先最吸引, 因为佢系一杯杯啤好哂的饮品, 有低糖豆浆、竹蔗茅根、罗汉果五花茶.................
打边炉咁热气, 梗系饮竹蔗茅根润一润同埋罗汉果五花茶下一下火啦~ 两种都唔系太甜, 味道亦唔会太浓, 你会见到佢每杯都有1/3杯系材料, 证明比你睇真材实料, 唔系冲出嚟架~
1.5) 特别版
小食
58 浏览
0 赞好
0 留言
- 有炸到脆卜卜的盐酥鸡, 细细粒, 但炸浆又唔系话好厚, 不过就唔系好够味~
- 有热辣辣的地瓜条, 即系炸蕃薯, 好甜, 有黄色同紫色~
- 有好入味的鲍汁鸡脚, 一睇佢个色水就知够哂入味, 虽然系咁, 但d鸡脚唔会煮到烂哂, 仍然好完整, 唔会甩脚趾, d皮都冇烂, 好完美~
** 其实呢d小食, 系应该系响上火锅汤底果阵先叫的, 但姐姐可能见我咁阴公猪, 所以中途加插**
2) 锦绣前菜 (有4款)
锦绣前菜
49 浏览
0 赞好
0 留言
凉瓜 - 又系好似枝豆黄哂, 不过朋友话爽爽地, 几好食, 咁我先敢试, 估佢唔到个样好似炆完排骨咁林, 但食落又唔系~
秋葵 - 呢个d色终于正常返, 系翠绿, 不过得4条, 连呢d都限一人一条, 有点儿那过~
木耳 - 正常爽口
3) 季节旬鱼之刺身盛合
季节旬鱼之刺身盛合
67 浏览
0 赞好
0 留言
是日有带子、虾、鱼, 其实我唔系好食刺身, 所以唔知佢系乜虾同乜鱼, 不过见佢个样又真系好新鲜, 颜色又靓, 带子同鱼都好鲜味, 唯独事我其中一个朋友话d虾差少少, 唔系好爽, 令佢感觉唔良好, 所以放弃咗, 但其余3个人又觉得冇乜嘢, 好彩食完都冇特别排毒, 证明冇事啦~
4) 重庆麻辣鸡煲/老坛酸菜鱼锅
老坛酸菜鱼锅
45 浏览
0 赞好
0 留言
哗.............见到个酸菜鱼锅, 比佢上面d辣椒吓亲, 驶唔驶咁多辣椒呀? 我见到咁劲, 已经投降, 但佢个汤汁又唔系红当当, 我d朋友系咁叫我夹旁边冇辣椒掂到果d, 几对眼望住我食, 佢地自己又唔食, 原来等我试咗辣唔辣先? 呢d咪够朋友啰, 全枱人系我最唔食得辣, 反而叫我食先, 当我话其实都唔系好辣, 可以接受, 佢地先开始动筷~ 佢d鱼片真系煮到刚刚熟, 好嫩滑又唔腥, 我地问姐姐系咩鱼, 佢话系黑鱼, 我地话咩黑鱼, 佢净系话咪黑鱼啰~ 好明显佢都唔知, 咁我地都无谓迫佢~ 个酸菜都几好食, 我朋友话可唔可以比碗白饭佢~
5) 御善养生汤底 (我地4个人只有6款选择)
花胶美人锅
53 浏览
0 赞好
0 留言
连个锅都宫殿式过人, 有少少似细细个去饮宴果阵, 上翅用果个金鼎, 好够派头, 不过好阻定.............
估唔到汤个汤底的花胶都系限一人一块, 不过唔紧要, 因为冇希望过会一人有一块花胶, 所以已经好满足, 但汤都好够味, 同埋都胶胶地, 应该都系宜材实料, 起码有基本效果, 当然之后加果d汤, 无论你系咩汤底都系果壸汤, 所以趁仲系真正花胶汤时, 饮多几啖先好烚嘢食呀~
6) 海鲜大拼盘
海鲜大拼盘
134 浏览
0 赞好
0 留言
除咗蚝之外, 就算饱鱼, 姐姐都话可以连壳掉落去一齐烚, 声称已经洗过d壳, 虽然我地想全部去壳, 但始终唔系自己屋企,唔齐架生, 唯有饮多啖汤先掉哂佢地落去烚, 唔想污染咗个靓汤~
每种海鲜都好新鲜, 好有鲜味, 唔似系死咗好耐果d, 最衰每人限食1件( 其实可以加钱), 搞到到喉唔到肺咁............
7) 美国雪花牛小排
成只牛上, 就算唔食得都睇得, 正所谓输人唔输阵, 不过唔知佢呢只牛全场有几多只? 如果个个好似我地咁唔系一嘢食哂, 系有排摆的话, 唔知佢会唔会问"可唔可以将d牛肉转过只碟?"我已经冇食牛好一段时间, 但根据以前食牛的经验, 佢d牛肉应该几有牛味, 唔系差, 只可惜而家唔食牛, 所以留返比食牛的朋友食哂佢~
8) 金牌手工丸
金牌手工丸
21 浏览
0 赞好
0 留言
9) 四十几款火锅配料
有6大种类, 包括小食、火锅配料、面类、饺子类、特色丸类、蔬菜类, 总共都有四十几款, 都算系几多款式, 最钟意佢够环保, 每样食物都系写要几多件, 而唔系一般的要几多碟, 我地真系有数过, 有9成都啱数, 大家真系要谂清谂楚要食几多, 自己要负责任的, 咁样做真系几好, 起码有d款式只系想一人一件试下, 咁就唔怕叫左成碟, 但最后又浪费咗, 真系值得一赞~ 虽然话可以样样试一件, 但当然冇咁样做, 因为实在太多款式, 而且唔系样样都啱胃口, 都系选择自己喜欢的去叫, 基本上都唔差, 大部份都好新鲜, 唔似隔好多夜~
10) 八方田园蔬菜篮
原来要自己去雪柜拎, 等我仲以为佢会拎埋嚟, 因为呢个菜篮响十二宫格入面系自己一格, 唔怪之得等极都未见上枱, 后来觉得唔对路问问, 先知要自己去拎, 果时已经所剩无己~ 佢唔系一大篮比你夹, 而系一兜兜装好, 然后用保鲜纸包好放响雪柜, 感觉会卫生d~
11) 一品御饭
太饱冇食到, 其实有叫佢比一碗我地成枱人试, 不过最终姐姐可能以为我地讲笑, 所以冇比到, 又或者比唔到一碗份量............唯有下次有机会先叫佢上咗比我地先~
12) 宫廷美点
宫廷美点
140 浏览
0 赞好
0 留言
有d似台式甜品, 有d芋头、丸子、菊花, 最劲系个椰奶味, 都少少偏甜, 不过都系一人一碗仔, 都可以接受, 始终食埋甜品食叫完满架嘛~
唔知系咪我地坐到最尽, 虽然仲有几枱人, 但都差不多十一点, 我估计大约十点左右, 埋单后已经开始执嘢清洁, 所以响十点后左右已经好难揾到人招呼, 而且我地仲要坐到好入, 真系呼天不应叫地不闻, 直头要走去吧枱揾人上甜品, 所以坐得入有好有唔好~
原价每位$338, 电话订位同like佢fb有92折, 如果比cash再多98折, 搞咁多嘢, 其实最尾条数即系冇加一, 为咗每人悭三十几蚊, 唯有跟佢额外搞咁多嘢啦~
虽然三百几打边炉好似贵咗少少, 但折下折下, 又坐成4个几钟, 又任饮任食, 其实计返条数都系抵, 所以下次有机会都会再嚟食~
张贴
