影片
更多
2018-01-14
188 浏览
观塘工厦嘅西餐厅真系越开越多，要脱颖而出确实系唔容易，但系呢间餐厅系小女子真系要推介。呢间餐厅优胜嘅地方系对食物，对食嘢好有执著嘅两位负责人，𠮶种热诚系好难去形容，单单就系因为呢种热诚，就足以令餐厅嘅食物好食同埋别树一帜。餐厅负责人同我地讲，最近餐厅主题做紧怀旧法国菜，所以推介左法式焗田螺同埋雀肉牛柳俾我地试下。先讲个法式焗田螺，佢同出面餐厅食嘅法式焗田螺有好大分别。虽然都只系田螺同薯蓉，但系佢个田螺加左自制香料，入口好香，口感弹口唔在讲，仲要系口螺入面有啲油/汁，mix埋啲薯蓉嚟食真系超正。应该系我食过嘅头几位好食嘅田螺。再讲下雀肉牛柳，我之前完全未听过呢个菜式，心谂：又雀又牛咁得人惊？原来佢系用肝酱搽左系牛柳面，然后再用猪油网包住佢然后煎香佢。件事出奇地match, 仲要配埋个自家制红酒汁，一啲都唔会觉得好腻。厨师连旁边嘅配菜都整得好好食😋不得不提嘅惊喜：hand made chocolate ice cream。我自问系一个唔钟意食朱古力嘅，但系我都觉得佢呢个朱古力雪糕好好食。个朱古力味好纯，唔会有多余嘅甜味，食落仲有nut嘅味道，而且配上一啲餐厅自制toppings，成件事好o
餐厅负责人同我地讲，最近餐厅主题做紧怀旧法国菜，所以推介左法式焗田螺同埋雀肉牛柳俾我地试下。
先讲个法式焗田螺，佢同出面餐厅食嘅法式焗田螺有好大分别。虽然都只系田螺同薯蓉，但系佢个田螺加左自制香料，入口好香，口感弹口唔在讲，仲要系口螺入面有啲油/汁，mix埋啲薯蓉嚟食真系超正。
应该系我食过嘅头几位好食嘅田螺。
再讲下雀肉牛柳，我之前完全未听过呢个菜式，心谂：又雀又牛咁得人惊？原来佢系用肝酱搽左系牛柳面，然后再用猪油网包住佢然后煎香佢。件事出奇地match, 仲要配埋个自家制红酒汁，一啲都唔会觉得好腻。厨师连旁边嘅配菜都整得好好食😋
不得不提嘅惊喜：hand made chocolate ice cream。我自问系一个唔钟意食朱古力嘅，但系我都觉得佢呢个朱古力雪糕好好食。个朱古力味好纯，唔会有多余嘅甜味，食落仲有nut嘅味道，而且配上一啲餐厅自制toppings，成件事好outstanding。一问之下，先知原来连朱古力雪糕都系佢地自制，仲要加入果仁酱，真心好食，层次即刻唔同左。
呢度铺面唔算大，见到厨房，地方装潢都好欧陆，而且重要系负责人对食物原料嘅执著。因为唔同嘅菜式都系佢地自己嘅拿手好戏，而且好多details都系自己一手一脚用原材料整，真系好感受到佢地嘅心思。
我问过负责人，原来佢地好欢迎人包场，大约20-30人都可以容纳到，咁之后大围gathering 就可以有好嘅落脚点。
以后都唔洗再揾其他楼上cafe啦，因为系香港地，可以揾到间坐得舒舒服服，嘢食好食，静静地倾下计嘅地方真系好少。
张贴
