陳儀興飯店 (嘉悅)

营业中

休息中

其实喺将军澳本身都冇乜好多嘢选择，最经常就系入商场，知道陈仪兴喺将军澳开咗分店，之前食开佢太子𠮶间，都几唔错，特别系佢嘅卤水、乌头鱼，都整得非常唔错。对比太子，呢间分店面积就相对细好多，但系佢自己都打正旗号，开嘅目的，系为咗令到将军澳嘅人都有得食佢嘅卤水，所以细细地，我自己觉得都唔会话太大问题。佢呢度有唔同饮品俾人哋拣，仲可以系包入去午餐里面，我自己就拣咗玄玉红枣薏米水同埋金银花茶，几清甜。我自己就觉得，食卤水都好难避免会有少少咸，饮凉茶相对地就可以解油腻。嚟呢度就一定要食佢个卤水鹅肉，我自己本身都好饿肉，所以一坐低嘅时候就即刻点左。佢嘅牛肉唔会整到好老，反而比较嫩滑，而且肉身亦都将卤水汁吸得非常饱满，每一啖都系八角嘅香味。糯米猪大肠，虽然好肥，但系其实好脆，好甜，亦都火候足够，自己喺屋企真系整唔到。最后就系盐焗乌头鱼，呢度真系限量发售，我自己就要咗𠮶日最后嘅一条，要嘅时候，师傅仲问我，如果要等45分钟，等唔等？我自己觉得，一场嚟到，冇理由唔食呢度嘅招牌菜啊，所以点都话等。