玉子造屋 (已結業)

之前系FB D广告已经见到呢间野，想食左好耐，觉得佢个蛋应该会超好味。佢一共有6款SET，拣左其中一个之后就可以拣蛋既煮法，有3款味玉酱油流心蛋，半熟玉子盖饭，和风太阳蛋。黎得一定系试半熟玉子盖饭!!!!!我地5个都叫左半熟玉子盖饭!!半熟玉子盖饭一件足足有3只鸡蛋份量!! 个蛋覆盖系饭上面，蛋汁均匀包住D饭粒，个蛋系扭纹状，半熟程度，入口好香滑，我地估佢应该加左牛奶同埋牛油，如果唔系冇可能咁滑。餐厅讲明用，日本无菌蛋，特别富蛋香，好岩做唔同既玉子。味噌南瓜汁炸虾饭 $75炸虾有4大只，个皮都算酥，最特别系个南瓜汁，带小小甜味。红酒汁汉堡饭 $ 75朋友话个汉堡好麻麻，2个朋友都食剩左一半，唔系好掂。但系个红酒汁就比较特别，酒香十足，同个半熟玉子都算配搭。咖喱吉列猪扒饭 $78睇黎我叫既呢个咖喱吉列猪扒饭系最好味!! 吉列猪扒劲大旧!! 厚切!! 件件都成吋厚!! 猪扒炸到金黄色，个外皮又香脆，肉身有肉汁，肥瘦夹杂!!WELL DONE!!再讲返个半熟玉子盖饭入面D饭唔系就咁白饭，佢加左啲饭素系入面，令成个饭既味道生色不少，可惜饭有点儿硬身同埋唔够热，如果可以改善下一定超好味。