唐記包點 (港鐵元朗站)

营业中

休息中

放工经过见到唐记包点出咗阿华田系列就想试吓，我本身已经觉得阿华田好好饮，去亲茶餐厅都会嗌阿华田饮，但系之前试过其他铺头出嘅阿华田crossover系列觉得麻麻，但系意想不到地佢竟然同中式包点好夹。我买咗个流心阿华田包，就算我放咗20分钟之后先食，暖暖地都仲有流心效果，个馅好新鲜，真系同阿华田味道一样，而且甜而不腻，唔会太过死甜，加上中式包点嘅外层松软，确实几夹。仲买咗一支阿华田奶茶，本身以为系普通台湾或者日本奶茶嘅味道，原来系港式奶茶加阿华田，超重港式奶茶味，劲有新意，估唔到嘅事都几夹，先系饮到港式奶茶味后饮到阿华田味。再买多咗一个平时都食开觉得超好食嘅章鱼肉饼饭同埋凤爪排骨饭，饭同埋配料嘅质素同一如既往嘅好，而我就再加多份烧卖变套餐，咁就可以免费有多包无糖茶，几抵。另外再加左两支豆浆，豆浆甜度啱啱好，一啲都唔会令人口渴，唔似其他铺头卖嘅豆浆太甜。