惠 (已結業)

相信大家都好挂住日本嘢食。适逢上星期朋友生日就同佢去食 OMAKASE。呢间「Sushi Kei」，只供应由主厨峻师傅发办的厨师发办餐单，环境温馨舒适，好似去咗日本咁。我哋午市过嚟食，就叫咗呢一个有12件寿司嘅厨师发办❤️除此之外，仲有前菜，甜品！亦都非常高质👍🏻我自己都几钟意呢一度嘅蜜金錭，入口嘅时候好清新嘅口感，而且非常新鲜，肉质柔软肥美。几特别嘅喺呢度嘅墨鱼加左海盐，口感鲜味带有清香。另外就系呢度嘅三文鱼籽大大粒！同埋真系同出面食嘅三文鱼子好唔同，呢度嘅鲜甜味道好特别，难以形容嘅味道！海胆非常鲜甜又creamy，味道浓郁。有一种唔舍得吞落口嘅感觉😂甜品是日本静冈蜜瓜，食落香甜多汁。整体来说，呢间餐厅既Omakase食材好新鲜高质素😌 加上日本师傅既介绍，非常好既体验。