珍一料理 (富榮大廈) (已結業)

好开心呀，今日约咗朋友去荃湾行街食饭！真系好耐好耐都冇去过荃湾啦，仲记得以前细个嘅时候真系成日都去荃湾行街！特别系路德围🤣出晒名多地道小食，今次亦都去咗呢度逛下！一去到嘅时候估唔到已经面目全非，好多唔同嘅餐厅小店亦都已经转晒！见到呢一间珍一料理嘅卖相好好，所以就走咗入去叫咗一个外卖试吓！重点嘅王牌小菜就系呢个东坡肉同埋奇味猪手❤️❤️呢个东坡肉真系好好食，𠮶度东坡肉，本身自己都系一个东坡肉嘅爱好者！真系好香，而且呢个肥膏同埋肉嘅比例啱啱好！而且加埋呢个酱汁一齐食真系好满足！摆入口嘅时候油脂嘅分泌同埋肉质嘅鲜甜味道啱啱好！所以真系非常喜欢！整体来讲，呢间餐厅嘅性价比好高！价钱同埋味道都好好！非常值得推介