影片
更多
2021-04-20
1406 浏览
Antoshimo 啱啱喺香港开店时试过，记得𠮶时主打冲绳面包，仲有苦瓜同海葡萄，之后咁多年一直都好少机会再帮衬。今次再食，发觉 menu 改动咗唔少，变成比较大路嘅款式，其实同一般嘅日式快餐店冇咩分别。今次去咗新蒲岗分店，记忆中第一次帮衬就系呢间。可能因为疫情关系，店入面卫生情况非常良好，值得一赞。呢度用 QR code 落单，过程都有啲繁复，有啲问题问得几仔细。拣咗个冲绳弁当定食，包括冲绳饭素白饭，豆腐鲣鱼汤，寿喜烧豚梅肉，紫薯，芝脆鸡柳，甜品同饮品，够哂份量。热食方面，全部正常水准，唯一系豚梅肉个胡麻汁热食感觉有少少怪。由于我拣咗要多啲饭素同鲣鱼碎，剩系用佢哋嚟送饭已经够哂味，所以其他𩠌大部份都系空口食，好鬼滋味😆。其实我相信叫得呢个餐嘅人，醉翁之意绝对唔系主食，而系个甜品，我当然唔例外😂。呢个海盐焦糖红芋冬甩雪糕属重量级甜品，上面系特级牛乳雪糕，下面系牛乳麻糬冬甩，两者都颇有牛奶香味，又唔太甜，配合埋上面嘅焦糖浆同海盐一齐食，超正👍。食食下，忽然全场熄灯😮，原来有人生日，店员攞咗个插住支烟花嘅甜品出嚟，跟住场内播生日歌，都几搞笑。我问店员，佢话呢啲安排不另收费，打个电话嚟讲声就
今次去咗新蒲岗分店，记忆中第一次帮衬就系呢间。可能因为疫情关系，店入面卫生情况非常良好，值得一赞。呢度用 QR code 落单，过程都有啲繁复，有啲问题问得几仔细。拣咗个冲绳弁当定食，包括冲绳饭素白饭，豆腐鲣鱼汤，寿喜烧豚梅肉，紫薯，芝脆鸡柳，甜品同饮品，够哂份量。热食方面，全部正常水准，唯一系豚梅肉个胡麻汁热食感觉有少少怪。由于我拣咗要多啲饭素同鲣鱼碎，剩系用佢哋嚟送饭已经够哂味，所以其他𩠌大部份都系空口食，好鬼滋味😆。
其实我相信叫得呢个餐嘅人，醉翁之意绝对唔系主食，而系个甜品，我当然唔例外😂。呢个海盐焦糖红芋冬甩雪糕属重量级甜品，上面系特级牛乳雪糕，下面系牛乳麻糬冬甩，两者都颇有牛奶香味，又唔太甜，配合埋上面嘅焦糖浆同海盐一齐食，超正👍。
食食下，忽然全场熄灯😮，原来有人生日，店员攞咗个插住支烟花嘅甜品出嚟，跟住场内播生日歌，都几搞笑。我问店员，佢话呢啲安排不另收费，打个电话嚟讲声就得，呢个服务超级窝心🥰。
张贴
