宮保 (已結業)

呢间系一间新加坡菜，但个人认为佢嘅田鸡煲同埋粥真系必食。图入面嘅田鸡煲同埋粥都只系一至两个人嘅份量，但我哋两个人食都觉得好够食。田鸡有三只，肉相当之滑同埋弹牙。再加少少田鸡煲嘅汁落去白粥入面，捞埋一齐食，非常之好味。而白粥煮得好绵好滑。另外，我哋仲叫咗宫保炒饭。呢个炒饭炒得相当干身，完全唔会有多余嘅油。入面有好多蛋、叉烧粒，同埋腊肠等等。隔离仲有两条菜心。炒饭味道甜甜地，相当适合香港人口味。所以呢个炒饭我都觉得非常之值得食。