明星皇宮

营业中

休息中

又同家人食好西，食左大约六千，有翅有烧猪，有饭有糖水，呢度系酒席。芝士焗龙虾，每次都点，佢用好靓既芝士，好好好好浓郁，超滋味，好够芝士汁，伊面够酱捞，肉又劲弹，啖啖肉。家人另外叫多两只上汤龙虾，个味就差好远了，好似BB虾咁，同我酒席两斤半🦞差得远。乳猪我哋加码，十人两台共叫了两只，全部食完，烧得好靓，肥羔唔多，皮好松化。翡翠蚌仁虾球，沾上少少虾酱会太浓，本身味已够，炒得有镬气。翅每人分得一碗仔，侍应仲要不到泻晒浪费，可能生意太好，做到手震🤣沙巴斑都ok滑，唔会有鱼腥，都清左大半条。蚝皇扣南非鲍鱼好入味，汁啱啱好，扣到软糯晒，嫌唔够食。脆皮烧鸡样烧得唔差，不过已食到劲饱，食两件已停口。炒饭水饺包我都食唔落了，但糖水真系拍烂手掌，芝麻糊配入面芝麻涵汤圆，俾足诚意。今晚想去食阿拉斯加长脚蟹但因为无预早订定，卖晒无得食。