影片
更多
2023-05-25
66 浏览
我发觉我真系一星期起码要食一次日本野，如果唔系周身唔聚财😅呢个星期去左呢间居酒屋《稻乙》，经openrice订座有全单9折。呢到装修好日系，仲有埋包厢。员工态度超nice！系到食饭有好温馨既感觉☺️当日仲做紧720ml清酒买一送一，可惜我同朋友都唔太饮清酒所以无享用到个优惠。呢到食物坚高质，绝对系少有我会encore既餐厅，当晚食既所有野真心有赞无弹👍🏻✨✨✨✨水云配珊瑚蓉水云滑捊捊，白色既珊瑚蓉食落好似淮山咁，但爽口好多。个酸汁酸得黎仲有少少姜味，好清新开胃。🦪真蚝 大只肥美、爽口，海水味唔太重，有少少金属味，好似我咁唔太食到蚝既人都完成接受到 。🐟左口鱼薄切睇落晶莹剔透，薄切咁食可以食到个鲜味甘香。由味鱼味较清淡，可将辣萝卜蓉同葱花摆系鱼上面 卷埋一齐，再沾酸汁食。另外有几嚿落咗豉油火炙过既左口鱼边，油脂十分丰富，香得黎又带少少爽口。🦐炸北海道白虾完全唔油，好香好脆口，系一流既送酒小食。🦑牛油炒鱿鱼鱿鱼新鲜弹牙，每一嚿都带有牛油香。🍢厚烧牛舌厚身得黎又好爽口，可配芥末酱一齐食。必试！🍢鸡肾平时食鸡肾难免会有浸味，但呢个无怪味之余仲好爽口有嚼劲。🍢鸡软骨外酥内脆。🍢鸡横膈膜估唔到呢到都
呢个星期去左呢间居酒屋《稻乙》，经openrice订座有全单9折。呢到装修好日系，仲有埋包厢。
员工态度超nice！系到食饭有好温馨既感觉☺️当日仲做紧720ml清酒买一送一，可惜我同朋友都唔太饮清酒所以无享用到个优惠。
呢到食物坚高质，绝对系少有我会encore既餐厅，当晚食既所有野真心有赞无弹👍🏻
✨✨✨
✨水云配珊瑚蓉
水云滑捊捊，白色既珊瑚蓉食落好似淮山咁，但爽口好多。个酸汁酸得黎仲有少少姜味，好清新开胃。
🦪真蚝
大只肥美、爽口，海水味唔太重，有少少金属味，好似我咁唔太食到蚝既人都完成接受到 。
🐟左口鱼薄切
睇落晶莹剔透，薄切咁食可以食到个鲜味甘香。由味鱼味较清淡，可将辣萝卜蓉同葱花摆系鱼上面 卷埋一齐，再沾酸汁食。
另外有几嚿落咗豉油火炙过既左口鱼边，油脂十分丰富，香得黎又带少少爽口。
🦐炸北海道白虾
完全唔油，好香好脆口，系一流既送酒小食。
🦑牛油炒鱿鱼
鱿鱼新鲜弹牙，每一嚿都带有牛油香。
🍢厚烧牛舌
厚身得黎又好爽口，可配芥末酱一齐食。必试！
🍢鸡肾
平时食鸡肾难免会有浸味，但呢个无怪味之余仲好爽口有嚼劲。
🍢鸡软骨
外酥内脆。
🍢鸡横膈膜
估唔到呢到都食到鸡既稀有部位 ，食落Q弹。
🍢日本阿波尾鸡翼
无激素、无抗生素、鸡味浓郁既阿波尾鸡。鸡皮烧到金黄色，皮脆肉嫩。
🐟鱼汤稻庭乌冬
用𫚭鱼同时令鱼熬制，奶白色既鱼汤鲜而唔腥。乌冬烟韧，净系个汤我都可以饮几碗！
张贴
