集眾菜館

营业中

休息中

一食就知道佢碟豉油皇鹅肠选用嘅鹅肠质素极高，一来食到有鹅油嘅香味，二来佢个弹性同埋烟韧度，真系好味道。唔好睇呢个铁板白胡椒煎鱼卜嘅卖相麻麻，食落好有惊喜，出面常见嘅鱼卜煮法都只系姜葱，用白胡椒煎真系比例少，而且又真系几好食。酥炸生蚝用嘅生蚝都几肥美，而且外面D炸皮都真系够酥够松化。集众招牌鸡唔肥而且鸡味浓，肉质鲜嫩，呢一碟系半只嘅份量，仲有埋鸡膶鸡肾鸡心鸡肠，真系正。笼仔甜梅菜蒸菜芯个重点就系D菜芯要同D甜梅菜一齐食，咁样先至食到佢嘅精髓。豆酥蒸蛏子都好正，D蛏子刚刚熟所以好鲜嫩，配豆酥就味道浓少少不过都几夹。金银蛋菠菜苗都好食，当然比起上面𠮶D就会变得普通咗D。