影片
以上资料只供参考，请与餐厅确认详情
镬气小炒不同凡响，系一间性价比好高嘅小菜馆。听讲一定要订位先至有位，所以订位嘅时候顺手掟埋个炖鹧鸪汤，睇呢啲汤渣就知几足料，所以个汤好香甜而且好润。呢个龙仔甜梅菜蒸菜心又系一绝，系店员介绍嘅，个甜梅菜嘅甜味雕出菜心嘅鲜味，要捞埋一齐食就特别感受到。呢个腰果芥末牛柳粒味道唔错，个wasabi味都几惹味，又估唔到粤菜可以配wasabi会咁鬼正。最后呢个𩠌系铁板啫啫鸡杂，非常惹味，配埋呢度得有嘅德国小麦啤零舍正。
继续阅读
### 食评：太子集众餐厅最近，我朋友带我去咗太子集众，听闻佢哋嘅食物质素相当不错，令我非常期待。餐厅位于太子，环境就一般，有人食烟同埋住个得几迫。有朋友特意推荐我试佢哋的鸡煲翅，据说味道非常好，但可惜今次我冇机会试到。下次我一定要提前预订，亲自尝一尝。虽然未能品尝鸡煲翅，但我听到周围食客都对呢道菜赞不绝口，实在令人期待。而我这次嘅重点则系避风塘濑尿虾，真系必食！呢道菜嘅虾肉鲜甜，配上香脆的蒜蓉和香辣的调味，口感层次分明。虾肉弹牙，每一口都充满海鲜的鲜味，实在令人陶醉。搭配一碗白饭，简直系完美嘅组合。不过，由于餐厅人气相当高，建议大家记得提前打电话预订枱，特别是周末或假日，否则可能需要等一段时间。总体来说，太子集众餐厅提供咗一个非常好的用餐体验，食物质素让我感到满意。虽然今次冇试到鸡煲翅，但避风塘濑尿虾已经让我充满了期待。下次我一定会再来，亲自品尝鸡煲翅，重温这份美味！如果你钟意港式菜，太子集众绝对值得一试！
继续阅读
呢一间嘅小炒真系食过返寻味，今晚人唔多帮衬，所以只叫得三样嘢食。招牌鸡果然系招牌鸡，鸡味都浓，皮薄而且冇乜脂肪，鸡肉嫩滑，好新鲜，配埋鸡鸡肠鸡肾呢啲鸡杂，另外碟鸡茸系有新鲜姜，难得。蒜蓉粉丝蒸蛏子王超好食，蛏子本身就非常新鲜，而且大厨嘅厨艺都非常高，个圣子蒸得啱啱熟，所以食得出鲜嫩嘅味道，蒜蓉粉丝就吸晒蛏子嘅鲜味，所以要嚟捞饭就好掂。加码叫咗个豉油王炒面，因为见隔篱枱𠮶碟热辣辣香喷喷好似好正，所以忍唔住嗌咗，佢个炒面炒得好好，好干身，葱段芽菜芝麻等等都非常之香。啤酒就试咗呢只德国啤，又真系几好味，好易入口。
继续阅读
星期二晚同几个朋友去太子试下呢间小炒，我预早一日打嚟订位，同时预留一只炸子鸡同杏汁猪肺汤，满怀希望谂住嚟食好嘢，但真系未食过500蚊而无味嘅炸子鸡，杏汁猪肺汤，得7碗，要328蚊，杏汁重到好似食紧杏仁糊咁，我就真系错在预订时无问价钱，因为谂住呢啲小炒地方食只炸子鸡饮个汤有几贵呀，今次系买个教训，当中食咗小炒王，避风塘濑尿虾，拔丝咕噜肉，铁板生啫鸡杂，白胡椒煎鱼卜，除咗个芥辣牛柳粒同豉油王鹅肠好食外，无一样嘢系出色，但就每一样都唔平，仲要订位先食到，真系谂唔明点解仲咁多人食
继续阅读
天气太热，坐低即刻叫啤酒先至再慢慢拣𩠌，呢只德国麦啤几好饮，真系饮到小麦味，又爽又清凉有冇苦涩味。叫咗个铁板啫啫鸡什，又香口又惹味送酒一流，虽然心入面觉得有啲邪恶但系真系好食。佢个集众招牌鸡都好食，难得有鸡味，只鸡嘅皮好薄，冇乜脂肪肥膏𠮶啲，鸡肉都嫩滑，相入面系半只份量都好足吓。又肉又内脏，梗系要叫返个蔬菜类别平衡返一下健康啦，呢个系龙仔甜梅菜蒸菜心，菜心好嫩好绿，加咗甜椰菜上去原来个味道都几夹，呢个都几好食。
继续阅读