M3 Italian (已結業)

心血来潮想食西餐，平日常常经过都未有机会试，今日谂起，二话不说便揸车来，带埋阿女，一于一家三口浪漫下。冇book位，早点来到，好彩仲有几张细枱，其他已经有食客预留座位。呢度嘅气氛唔错，入门口位置摆放咗许多不同类型的酒，餐厅内环境尚算阔落，感觉舒服。老公想饮汤，叫咗个是日餐汤~忌廉甘笋汤，好香滑，唔会太甜。阿女肚饿，揸主意叫咗个意大利饭同意大利粉。香煎鹅肝黑松露意大利饭，黑松露真系好香，鹅肝好大块，入口即溶，丰富嘅脂肪感觉好正，再加上饭煮得软硬度适中，味道非常可口，愈食愈好味。龙虾汁虾肉意大利粉，上菜时闻到好香煎虾嘅味，这个汁做得不错，意粉爽口弹牙。烤美国安格斯肉眼扒(10oz) 伴烧新薯及红酒烧汁，要求五成熟，切开见到嫩嫩粉红色，真的十分可爱，丰富肉汁，牛肉味香浓。香橙冰红茶，新鲜橙味，清甜好饮。冻蝶豆花柠檬茶，颜色好特别好靓，最初系蓝色，笃下啲柠檬变咗紫色，落咗少少糖水，味道唔算突出。