影片
更多
2016-04-22
6074 浏览
呢间我妹子常常来，是常客，觉得好食又抵食，今晚就找来我们一家人来食番餐。原来大围呢间在佐敦有分店，𠮶间我食过，觉得都好食，不过店面太细，book位有难道，呢间大啲，叫做有两层，如果想两星期后嘅都book到，好好多！呢度分三个时段，听说晚上11-2去到零晨都要book位先有得食㗎。都几夸张！人头198元一位，无加一，收费抵！抵系因为食完觉得材料新鲜，而且份量十足，真心好食同够晒饱肚！今时今日，在香港要食到海鲜仲要够饱，无500元应该出唔到门口！真正做到价廉物美，抵俾个like佢！6人位算几寛敞，三个大男人坐一边都可以。酱料自己混，有蒜蓉、葱、辣椒和生姜，款式不算多，叫够用，起码唔会另收15元一位先。主角海鲜好快就上桌，因为一早预定了人数，而海鲜是“特选时令“的，即是一曰未出场，其实都唔知有咩食的~~今日好似几丰富下，有还会撑手撑脚的蟹，蟹算几大只，而且每人有半只，店家算大方，我还见到蟹盖内有膏，正！食落亦十分鲜甜，始终生猛，零调味只用粥水煮都已经好好味！啲虾仲会跳下跳下，所以要用夹，夹住条尾，再放入锅，等10秒左右，等到只虾晕左，又再两只两只咁放，花功夫，不过怕佢弹出来，咁食新鲜得鲜绷活
原来大围呢间在佐敦有分店，𠮶间我食过，觉得都好食，不过店面太细，book位有难道，呢间大啲，叫做有两层，如果想两星期后嘅都book到，好好多！
呢度分三个时段，听说晚上11-2去到零晨都要book位先有得食㗎。都几夸张！
人头198元一位，无加一，收费抵！抵系因为食完觉得材料新鲜，而且份量十足，真心好食同够晒饱肚！今时今日，在香港要食到海鲜仲要够饱，无500元应该出唔到门口！真正做到价廉物美，抵俾个like佢！
6人位算几寛敞，三个大男人坐一边都可以。
酱料自己混，有蒜蓉、葱、辣椒和生姜，款式不算多，叫够用，起码唔会另收15元一位先。
主角海鲜好快就上桌，因为一早预定了人数，而海鲜是“特选时令“的，即是一曰未出场，其实都唔知有咩食的~~
今日好似几丰富下，有还会撑手撑脚的蟹，蟹算几大只，而且每人有半只，店家算大方，我还见到蟹盖内有膏，正！食落亦十分鲜甜，始终生猛，零调味只用粥水煮都已经好好味！
啲虾仲会跳下跳下，所以要用夹，夹住条尾，再放入锅，等10秒左右，等到只虾晕左，又再两只两只咁放，花功夫，不过怕佢弹出来，咁食新鲜得鲜绷活跳的花小小功夫都值得嘅！好过零功夫但食啲死死下的虾嘅！虾已经几大只下，加上肉质够爽，一定是刚刚食过夜粥，😂，刚好练得一身肌肉了，又爽又鲜，令人回味！
讲到爽实，又点小得鲍鱼呢？鲍鱼肉质非常弹牙，size又够体面，愈来愈难相信是俾紧198呢个价钱！
另外有三款贝壳类，其实我已经唔记得左叫咩名，只记得大壳啲个两只好吃好多，同埋贵好多，我记得之前试过在街市买左啲咁上下的，价钱也不便宜，大约6只就要50块，而且返到屋企，发觉好难先洗得干净，洗死我！现在好方便，放进锅，三分钟食得，快过杯面！细只𠮶啲有阵泥巴味，我妈嗅到大叫，觉得有点腥，我就还可以接近到，最紧要无沙啦！你知啦。细蚬类都较容易有沙，不过呢度呢啲都清洁得好好，合格！
多宝鱼正啊！我记得佐敦好似系用泥猛，泥猛都好，不过多宝就滑啲啰，各有各好！不过你问我，我念我都系钟意多宝鱼多啲。呢条多宝唔算好大条，中size啦，倒是挺厚肉就真！煮完那白雪雪的肉，坚滑！鱼皮亦厚厚的，有种补给我骨胶原的感觉！女仔一讲到骨胶原，就争先恐后了。
食完海鲜，就要放煲粥配料了，分别是粟米，南瓜和芋头了。芋头我不能吃，吃完会身痒痒的，所以没有放进锅，尽管我妈好像很想吃，也没奈何了~
食完海鲜，可以自选5款其他配料，都是会给6人份。配料选择大约有25款左右，我们选择了鸡肉鸡软骨丸、金菇、肥牛、花枝丸和冬瓜。后来听到隔离枱食花胶仔，先知原来有得叫花胶仔，蚀左！不过还好鸡软骨丸都几好食㖞，idea咁新原本我都惊鞋口，不过食落又ok㖞，而且啲鸡软骨好有咬感，但又食得出是已经搅碎左，我一不小心食埋人地个份！好彩一家人，哈，无计嘅😆
肥牛比我想像中靓仔，叫做有啲质素啦！起码唔系𠮶啲得肥膏无肉的美国肥牛先啦！咁我又唔会期望佢收我198但俾和牛我食挂？！所以见到肥牛出到来都几靓仔，食落亦ok嫩口，已经好收货了。
原来粥底是要食晒啲配料，最后才放的，还可以在碗内先放定啲猪油渣、葱花、菜圃等等落自己个碗中，咁当然不食猪肉的我无咁做到啦，只是就咁食感啲粥啫。味道都几鲜，而且真是有海鲜味㖞，比蒸气那种甜好多呀！超正！妹妹果然无介绍错呀！走𠮶阵我们还book定母亲节要再来食过潻！
张贴
