酒鍋 (天文臺道) (已結業)

一家人嚟到天文台道呢间叫做＂酒锅＂嘅餐厅，餐厅系打边炉为主。有各种特色汤底可以选择，可以一个锅有四五款汤底，亦都可以拣一锅一个特色汤底。我哋成家人就拣咗＂扬名四海＂。呢个汤底锅配有黑松露杂菌汤，浓汤猪骨汤，四川麻辣汤和咸酸菜胡椒猪肚汤。🍲黑松露杂菌汤有非常香嘅黑松露味。🍲浓猪骨汤非常清澈，唔会有好多油，满满粟米🌽和猪骨，非常清甜。🍲四川麻辣汤材料丰富，辣味十足。🍲咸酸菜胡椒猪肚汤饮落去非常暖胃。🔹🔹🔹🔹🔹🔹🔹🔹🔹🔹🔹🔹🔹🔹🔹火锅配料亦有好多选择，除咗基本嘅肉，丸，海鲜，菜之外，仲有啲比较有特色嘅火锅配料，例如鹅肠，牛骨髓，珊瑚蚌等等。🦪加拿大桶蚝，肥美又大只，蚝味浓郁。🐂牛魔王拼盘，多种不同牛肉种类，安格斯牛，韩牛，牛柳粒，手切肥牛，全部我都咁钟意食😋🥖酥炸油炸鬼，呢个油炸鬼唔可以放落汤底太耐，如果唔系就会淋晒唔好食。放佢落个汤底度渌大约10秒左右，睇吓你口味啦，钟意淋啲就可以渌耐少少，油炸鬼吸左啲汤汁，放入口喷汁喺脆脆嘅油炸鬼中渗出嚟，非常好食！🥒冬瓜片，清凉之选，夏天食冬瓜片非常舒服。