小富臨 (已結業)

今日带埋一家大细嚟呢到食中菜，除咗一般嘅点心之外，呢度仲有啲少见嘅特色小菜，例如叫化鸡同黑胡椒虾等等。为左氹啲小朋友开心，就order左只叫化鸡，贪佢有得玩又有得食。职员会推架车仔过嚟，请我地用小锤打烂外层。期间职员会讲一啲祝福说话，够晒好意头。鸡肉好香滑，而且份量十足，六个人先啱啱好食得晒。金屋藏鸽脆卜卜，好重奶香，造型好趣致，小朋友好钟意！雀笼拼盘有多款点心，包括鲍鱼鸡粒稣、奶皇包、榴梿酥、虾饺、鲍鱼烧卖黑松露野苗饺同鲜虾菜苗饺。点心都几足料，虾饺入面有啖啖虾肉，奶皇包既流心馅味道香浓，食到好满足。而小朋友们就最钟意食乳鸽，带起手套，一人一只乳鸽，好滋味。葱香烧腩够晒火候，烧腩外脆内软，一啲都唔肥腻。小贝浸菜苗，海鲜几新鲜，味道偏淡，可以解腻。最后嗌左荷花蒸饭，食到超级饱，为今餐画上圆满嘅句号。