皇庭匯 (已結業)

今日下午我们一家四口去咗「皇庭汇」旺角店饮下午茶！我们叫咗娥姐靓粉果、鲜虾菜苗饺、蜜汁叉烧肠粉、脆皮叉烧包、北菇棉花鸡、干炒牛河、瑶柱珍珠鸡、流沙煎堆仔同椰丝甜薄𦉘！娥姐靓粉果嘅饺皮相当晶莹薄身，打开嚟睇可以好清楚睇到虾肉嘅份量好多，口感好鲜甜弹牙！鲜虾菜苗饺嘅饺皮好烟烟韧韧，菜苗亦好清嫩！蜜汁叉烧肠粉嘅肠粉相当软滑，包著香甜松软嘅半肥瘦叉烧同埋香茜一齐食，味道好惹味芳香！脆皮叉烧包嘅包质非常香滑松软，顶层嘅脆皮好酥脆，入面嘅叉烧蜜汁相当香甜！北菇棉花鸡嘅鱼肚焖得相当入味，而且份量都几多，鸡肉嘅肉质好嫩滑！干炒牛河炒得非常干身，而且镬气十足，牛肉嘅肉质好爽滑，肉味好香浓！瑶柱珍珠鸡嘅糯米好烟韧弹牙，入面馅料好丰富，味道唔会过咸！流沙煎堆仔炸得好金黄香脆，咬开一半先知入面嘅流沙馅系芋蓉，味道好芳香浓郁！椰丝甜薄𦉘嘅薄𦉘皮相当烟烟韧韧，包著香甜嘅椰丝同花生碎，令到口感好丰富，味道唔会过甜！