泉章居 (已結業)

是晚团年饭，一行十多人，冇咩餐厅选，加上团年饭，一定系食中式，所以选了老字号泉章居。叫了两个8人餐，选了炸蟮，两只焗鸡，炸鱿鱼，牛仔骨，芥兰立肠，茄子班煵，西兰花，两个羊腩煲。可能还有两星期先到农历新年嘅关系，今晚人不多，座得几舒服。食物上桌速度好快，落单后10分钟左右就送上，可惜待应不够，叫了很久先有待应来，有个待应仲黑面。 炸鱿鱼丝同焗鸡不过不失，鸡嘅份量很足亦够入味，我地大约食剩1/4只鸡。牛仔骨整得几腍，但锅底劲多油。茄子班腩不过不失，班腩份量算多，但不大有鱼味。羊腩煲见多人叫，就跟风叫，但羊肉非常少，味道不错，一点也不膻，但贵了点。整体泉章居落嘅味精都几重手，食完饭后一段时间都仲好口渴，但以团年饭来算，算方便揾位，又有应节食品供应。