Essence

营业中

休息中

圣诞节正日和家人食圣诞自助餐，餐厅细心地安排婴儿座位给同行的两岁小朋友，餐厅座位很阔落，枱上放有应节的小玩具及纸帽。之前付款后才发现OpenRice评价不太好，所以没有期待，但反而有惊喜。我们预订时段的自助餐（18:00-22:30），餐厅的店员全都很有礼貌，收碟好快，食物refill得好快，中途仲安排咗圣诞老人出嚟抽奖🤣食物方面，冷盘净系试咗长脚蟹，肉甜有海水味；前菜有烟三文鱼、火腿、芝士、沙律等；刺身只有三款，三文鱼尚可，吞拿鱼及另一款白鱼刺身唔好食；寿司唔吸引所以冇试；面档亦都冇试。串烧摊位好吸引，其中猪颈肉、羊肉串、烧蚝、烧羊架都好好味，肉类烧到啱啱好好Juicy唔会干身，调味啱啱好唔会过咸；芝麻面包好好食，小朋友食咗一整个；热食方面，开边龙虾好味但少肉、蒸鱼好味、其他牛腩羊腩蔬菜等冇试；汤有中汤及罗宋汤，都冇试。甜品种类唔多，唔系特别出色，意大利芝士蛋糕、桂花糕好好食，movenpick雪糕有六款，另外可以即场卷棉花糖。每人连加一大概$500左右，同行家人都觉得性价比OK，下次会再嚟。