新泰東南亞餐廳 (馬鞍山廣場)

营业中

休息中

去马鞍山玩完沙，晒完一轮，最好就系去食泰国菜！由于疫情嘅关系好早就去食晚饭，四点几就坐低竟然仲可以叫做午市套餐，佢仲话买单会有八折优惠， ！真系超抵呀！叫咗个四人餐，小朋友想食烧菠萝，同埋饮椰青，当然唔少得加咗个甜品啦！期待呀！加嘅烧菠萝好快就上枱，佢摆得好靓，真系令人食指大动啊！菠萝微微有少少㶶边，小朋友见到真系即刻抢食呀！食饭之前食少少菠萝，有酵素帮助消化，真系无敌㗎 ！再上咗猪颈肉沙律，啲汁好开胃，猪颈肉份量好足够，配上洋葱芹菜等配菜好好味呀！另外再上左串烧同埋鱼饼拼虾饼，全部都系我自爱嚟㗎，佢啲沙嗲汁好香浓好好味呀，我哋一家快手快脚，好快就消化左所有嘅钱财啦！跟住就上咗炒贵叼，咖喱大虾，配蒜蓉包，全部都煮得好好味！另外仲叫咗耶青，我真系想特别讲佢个椰青，佢个定价要$45，比一般贵㗎，但系亦都比一般质素好㖞。佢嘅椰青水特别饱满，而且有椰青味，又甜，出边都饮唔到啲咁靓嘅椰青，我谂佢选材方面都好落本！连椰青肉食埋真系一流呀！最后仲叫咗个甜品拼盘，所有甜品都好好食，佢嘅糕点仲要暖暖地，真系好有诚意啊！马鞍山来讲，呢间泰国菜真系一家大细去嘅一流选择，食品高质，环境舒适，推介呀！