極尚大喜屋 (鱷魚恤中心)

营业中

休息中

食放题当然一家人一齐食最开心，终于等到四人一枱。当然要食新鲜肥美嘅刺身拼盘啦！立即令人觉得worth of money!!刺身每样都点了两人份，三文鱼及油甘鱼片片足一寸厚，口感超满足，选材新鲜，非常油香肥美。另外仲有鲍鱼刺身，一小口一件非常清甜又淋，仲有淡淡酒香，赤贝都非常出色，仲有清淡海水鲜味。寿司卷物方面，柚子胡椒左口鱼边好正鱼油香，仲有少少㶶边，入口即溶。另外芝士软壳蟹卷，蒲烧鳗鱼芝士卷都好好味，好精致，所以食多几件都唔会饱左。推荐黄金焗开边虾，美乃滋加芝士焗虾，啖啖肉，又香喷喷热辣辣。仲有风味淋烧鱼干，去居酒屋我一定要食，放题可以无限refill超开心，鱼干配清酒，正呀！各样食物以放题来讲都算做得非常细致，用QR code 点餐环保又方便，可以睇返自己叫咗啲咩食，唔会浪费，重复点食物。最钟意佢哋嘅饮品柜，种类多，尤其是酒精饮品不用另外加钱，冷热清酒🍶梅酒都有。