又一間餐室 (已結業)

因为性价比太高的关系，我又黎食晚饭。一开始在自助区拎左一碗红汤，可能我细食，饮左碗汤已经饱左3成。因为系任食的原故，好多菜都俾人“毕”晒，好失望，结果都系主要饮汤。叫左一个咖哩猪扒奄列饭。我都几相信个厨师前世同啲鸡蛋系有不共戴天的仇恨，那一片鸡蛋的版图，相信要用上4-5只鸡蛋先形成到。不但覆盖了所有白饭，还延伸到一片咖啡海洋的底部，作为咖啡海洋的海床。食到尾真系顶唔顺，仲剩大约2只鸡蛋的份量.....大概啲鸡蛋就黎过期吧…讲到啲吉烈猪排，咬落非常松脆，不加味精，但食落竟然有一阵三文鱼头的味道。抬头一看，餐牌嘅晚市小菜推介，正是xo酱茄子三文鱼头煲。作为平民饭堂来讲，我相信厨师有佢独特嘅烹调手法。 你可以视为一种中伏，或者你当佢真系想制造fusion菜既惊喜。整体嚟讲，如果钟意清淡口味，唔想食味精，呢度就啱晒喇，好有爱回家的感觉。