又一間餐室 (已結業)

太耐冇嚟因為午市成日滿座，晤知係咪附近開多咗幾間餐廳，有幸終於直入有位可能耐冇來，近20款午餐好似好多都啱食好多選擇，$51個午餐，加熱飲$4，凍飲$7，自由可酙水，熱茶，中西湯同白飯，即係任添又加～京燒三文魚飯連鮮果沙律，是日小食炸春卷真不錯，飯用珍珠米，汁剛好，太耐冇來好似發現新大陸咁薑汁豚肉飯大大盒，個汁配豚肉好似特別好味，豚肉肥瘦適中不鞋口，叫杯茶走今天特別厚滑，又好似好味咗！！！ 焗飯即焗超熱，正常質素！有時真係太耐冇食要返尋味一下又會冇限encore~

話說今天同朋友打算吃x莉x但人太多就去左試呢間(又一間餐室)8pm都算full，侍應態度好好，而且好快已有位安排比我地點左個(海南雞便當)$62賣相外型真係便當咁，好特別 雞肉好滑，油飯口感幾好，不過似一般飯多過油飯套餐可以加$30加小食加左個炸雞軟骨粒份量好足，不過有點雪藏味🤔朋友就加$30加左肉醬焗薯條熱辣辣上枱，味道夠入味，好味！

喺美孚豪宅曼克頓山商場內有幾間餐廳，見到又一間餐室有自助吧，價錢亦都叫做最相宜，就入去試下。午市落單係自己劃紙嘅，因為眼見佢侍應唔多，可能咁樣會無咁甩漏。我地叫左鯖魚西京燒便當，除左有2塊鯖魚配飯之外，仲配1盒蔬菜連炸燒賣(小食)，同埋日式蒸蛋。$50有哂咁多野食，便當餐係最抵食嘅。我地仲叫左巴黎焗豬排飯，即係焗豬排飯配太陽蛋，個配搭好特別。焗飯只配炸燒賣(小食)，無日式蒸蛋。豬排唔鞋，個汁都唔錯，份量好多，都好夠食。所有餐都係$50一份，包自助吧可以任飲中湯或羅宋湯，自助攞水或綠茶，紙巾或醬汁，餐飲就需要另外加錢配。我地去嗰日係西洋菜煲豬骨，個湯都幾好飲！

今日既午飯時間我去左又一間餐廳吃午餐，我嗌左巴黎焗豬扒飯同埋一杯凍檸茶，凍檸茶我覺得太甜啦我覺得應該要叫少甜。又一間的巴黎焗豬扒飯我覺得比起大家樂嘅焗豬扒飯更勝一籌，上面嘅太陽蛋亦都係其中一個賣點，因為呢隻太陽蛋嘅蛋汁撈埋飯一齊食令到個飯更加美味。另外呢間餐廳亦有自助餐湯區可以無限添飲。

午餐來吃了一個焗火腩溫泉蛋飯。店來客人不算多，2-3位侍應好似好忙，一開始無人招呼你，自己自由搵位。到你搵佢地叫餐，態度都係麻麻，無咩回應。食物方面，今次食呢個餐係可以揀飯或者意粉。由於溫度太高，那個溫泉蛋一上菜不久，就變左熟蛋，無左流心。火腩有4件，件件都大舊，焗到有點乾和硬，好難咬。食左第一口就唔想再咬下去。但係，個飯就好不錯！茄汁銷住每一粒飯，啖啖都係茄汁和蛋味！正！不過，那個春卷放係個焗飯上就真係錯晒，結果令個皮軟晒，好浪費！

偶然经过正值午市，试一试午市便当。中午十二时较易揾位，叫了豚肉生姜烧便当，付送蒸蛋，收费只是5O元而已，相当抵食。蒸蛋几香滑，豚肉嫩滑有羌汁味，份量亦足够，环境舒适，地方清洁，是唔错的食肆。

一行幾人冇食午餐便來食下午茶餐！又一間的選擇算多，$28起一個餐! 自己填紙仔order!由多士雞亦小食，三文治pancake 豬扒包，到湯河炒飯樣樣有得揀，悉隨尊便!牛腩湯河 - 不過不失！夠熱份量以下午茶來說，算多了！野雞撈一丁 - 外型高分，吃落也不俗！冰火菠蘿油 - 油都厚，菠蘿包過浸旦煎一煎，香好多！叫咗好耐先通知冇曬冰火三文治，失望！其實係炒旦白和吞拿魚三文治等得最耐係脆皮豬扒包 - 外型都吸引！不過太多醬，豬扒夠味夠熱，包夠脆！餐廳唔full, 但有的真的等得太久，又太耐才知會不能提供的餐，服務可待改善一下！

食lunch最頭痛諗食乜，今日搵到呢間食得健康既午餐！最重要唔洗等位，一行4人就人左去！餐牌大大隻字寫$50一個便當，仲有蒸蛋、小食或前菜，仲免費添湯飲！價錢都算吸引，選擇又多。鯖魚西京燒便當 ，有沙律同燒賣、甜品及主菜，賣相精美，配搭亦全面又健康。鯖魚唔乾，啖啖口，配埋西京燒汁，更有味道！拿破崙焗雞扒配飯，左面那兩粒是焗燒賣。焗豬扒飯，又係有兩粒燒賣加一隻太陽蛋。一個女仔食唔晒。有自助吧任選中式或西式湯，埋單每位$50

因為性價比太高的關係，我又黎食晚飯。一開始在自助區拎左一碗紅湯，可能我細食，飲左碗湯已經飽左3成。因為係任食的原故，好多菜都俾人“畢”晒，好失望，結果都係主要飲湯。叫左一個咖哩豬扒奄列飯。我都幾相信個廚師前世同啲雞蛋係有不共戴天的仇恨，那一片雞蛋的版圖，相信要用上4-5隻雞蛋先形成到。不但覆蓋了所有白飯，還延伸到一片咖啡海洋的底部，作為咖啡海洋的海床。食到尾真係頂唔順，仲剩大約2隻雞蛋的份量.....大概啲雞蛋就黎過期吧…講到啲吉烈豬排，咬落非常鬆脆，不加味精，但食落竟然有一陣三文魚頭的味道。抬頭一看，餐牌嘅晚市小菜推介，正是xo醬茄子三文魚頭煲。作為平民飯堂來講，我相信廚師有佢獨特嘅烹調手法。 你可以視為一種中伏，或者你當佢真係想製造fusion菜既驚喜。整體嚟講，如果鍾意清淡口味，唔想食味精，呢度就啱曬喇，好有愛回家的感覺。

又黎食晚飯。今晚人比較多，好多都係一家大細黎食，真係好有飯堂的感覺，但坐得好舒服，一啲都唔迫，空間感好足。雖然侍應唔多，但做事好勤快。自助區白飯、中西湯和茶任飲任食，真係好正!我先飲個紅湯，真係好好味，非常輕微的麻辣味，飲完個湯成個口腔有少少麻的感覺，但唔會覺得唔舒服。我叫左一個豚肉生薑燒便當。豚肉的醬油味和生薑味配合得恰到好處，生薑唔會好辣，豚肉上的蔥又幫助豚肉的味更突出。不過值得注意的是餐牌上的圖片只供參考，因為我睇餐牌以為有菜食，後來就上左沙律。

34度既下午咁岩係荔枝角附近做野，行過pccw果頭見到呢間野，冷氣又夠大又好似坐得幾舒服咁就入去試試佢!入到去先發覺原來d湯是任飲的仲有2款比你都選擇tim !(以任飲黎講算高質喇)，咁望望個餐牌有成20幾個set，最後叫左個趣味雞黎試。佢個set有沙津，同日式蒸蛋加埋個主食。d雞望落好乾下但係食落有驚喜咬開入面好juice，飯黎講就唔會太濕乾身，原來飯仲可以無限添食lol岩晒d大食仔!整體黎講會比80分!可以番食

美孚既又一間一向係我既午餐首選！因為佢環境舒適，卡位闊落，另外午市套餐一律都只係$50,喺呢區黎講都唔算貴。佢午餐既選擇都有好多，有便當類、焗飯/意粉類、拉麵類、蛋包飯等等。而我就鍾情於佢既三文魚便當。$50既便當有啲乜？有一大塊三文魚加醬汁既飯，再加沙律、小食同埋蒸蛋。唔止係咁，仲有綠茶、老火湯、羅宋湯任飲，白飯唔夠亦都可以加，不過呢部份就係自助形式。喺美孚區，商場入面，$50唔駛加一，就可以食到一個咁高質既便當，難怪愈來愈多人食！下午茶時段仲抵食！

好多年前食過，印象不太好，但基於麥記冇薯條賣，又落大雨，就俾多次機會佢啦！晚餐統一$60，我叫左個海南雞便當加一杯紅豆冰。一點完就去自助吧度攞羅宋湯，返埋位個飯都已經到。個雞每個部位都有d，雞脾雞翼都有，飯就比較多，個蒸蛋比我想像中好，算係中等。紅豆冰係成餐飯既精華，值得一試！題外話，大食既朋友無有怕！因為白飯任裝，唔怕食唔飽。最後食晒d雞都仲有半盒飯淨，建議如果白飯任裝的話可以減少便當飯既份量。

這間食市可以算得上美孚的食堂，地方大，坐得舒服。晚餐不算很多人來吃，等位等了一會兒就可以入座。$60一個蒲燒鰻魚便當，鰻魚好好味。還有沙律和蒸蛋送，沙律上的春卷不夠脆，菜則尚算新鮮。蒸蛋味道比較淡，但都食到蛋味。整體份量非常足，一個女仔食完個沙律和飯其實已經夠飽，如果男士來吃也不怕肚餓，因為現場白飯和兩款湯水是無限供應的。當晚是羅宋湯和一個中湯。羅宋湯好好味，好多菜，好正！

因為公司係荔枝角，朝早我行咗去曼克頓山嘅又一間買早餐，店內唔係話太多客人，但店員態度非常不耐煩，但食物唔差，值得讚嘅係買外賣麵同同湯分開，同埋等得唔耐，十分鐘到就有