新竹園軒

营业中

休息中

今日唔煮饭过嚟尖沙咀呢间酒楼食晚饭🍱，酒楼喺中国五矿大厦3楼，面积都颇大，空间俾人好舒服嘅感觉，而且装修高雅简约，就算喺度坐得耐啲都好舒服。我哋三个人👨‍👩‍👦叫咗四个小菜食，全部都好好味，小朋友都好钟意食。👍避风塘濑尿虾🦐濑尿虾香辣味和蒜味十足，真系超级惹味。濑尿虾又肥又大只，虾肉超多，而且鲜甜又爽口，真心好味到连手指都要吮埋。西兰花炒带子🥦呢度西兰花炒带子用咗蒜片去炒，令西兰花同带子嘅味道更加惹味更加香，带子软腍腍，阿仔都好钟意食。西兰花仲仍然保持爽脆口感，果然酒楼炒嘅比自己炒嘅一流一百倍，成碟菜都好满意。海鲜杂菜煲🍲老公话想食呢个海鲜杂菜煲，估唔到入边有超多海鲜蔬菜，有鲜虾，带子，鱿鱼，杏鲍菇，西兰花，大白菜，芫荽，粉丝，汤底亦充满鲜味。真材实料又好味，真心抵食！当红炸子鸡🐔炸子鸡即叫即炸，外皮脆卜卜，入边充满鸡油脂令鸡肉又香又滑。鸡肉热辣辣食落去滋味十足，如果惊油腻佢都有柠檬可以俾我哋，加上柠檬汁又多咗一份清新味道。