利寶閣 (已結業)

住官塘区，去过呢区大大小小酒楼，第一次黎呢间，见佢较少人，唔洗等太耐位。不过当中一位负责我地坐𠮶个区域嘅男员工真系乞人憎都爆。坐低之后洗完野，家父「唔该，唔该」咁叫𠮶位男员工4-5次收走啲水兜，𠮶个男员工望都唔望就行左去。期间有个女员工负责点餐各样都做得到位，不过问题又黎，去到尾段有碟野食等左成40分钟都未到。咁岩𠮶位男员工又行过，家父问佢「争碟茄子(想睇下有无入单，无就取消)」，家父讲完头四个字，𠮶个男员工完全无回应又掉头走。我望住呢个人佢究竟有无追单，而佢只系走入茶水𠮶到拎其他茶杯岀黎，对我地个追单完全无视。之后，我叫女员工叫𠮶个人过黎，又叫左四次个男员工终于行返过黎，我即刻问佢咩态度，佢即刻话「追茄子呀吗～」，我咪话「咁你有无覆我地呀？你系调头走㖞，咁唔情愿你咪唔好做啰。」。而家呢啲时势大把人无野做，其实啲咁差嘅员工真系应该淘汰，唔尊重我啲后生我真系无乜所谓最多叫第二个人，唔尊重我屋企人，我真系同你玩过。附上呢位官塘区最恶劣餐饮业员工照片，同等左40分钟都等唔到嘅茄子单一张。