影片
更多
2017-03-22
1456 浏览
今日难得屋企人入嚟元朗探访，梗系带佢哋食好啲。 西菁街𠮶边出名多嘢食，老豆就最钟意食西餐，而妈咪就最钟意环境靓嘅餐厅， 所以我就拣咗呢间《Forever友缘西餐》， 一次过满足晒两老嘅要求。由于我哋嘅开餐时间尚早，餐厅都未算挤满食客， 一入去就见到一盏好华丽嘅水晶吊灯，餐厅里面嘅玻璃可以望通出面嘅街道，感觉非常开扬。 入夜嘅时候天色昏暗，水晶吊灯就更显得有气派。我哋叫咗一个二人餐，另外加咗个意大利饭。呢度嘅二人餐价钱相当抵食，$488， 就已经有齐两个头盘， 两个主菜， 同两个甜品。先讲吓头盘【烟鸭胸沙律】， 烟鸭胸大大块， 又唔会好咸， 沙律菜上面淋上日式麻酱，大人细路都钟意， 而且沙律菜非常新鲜， 食落爽脆。另一头盘【 酥皮肉馅批】， 肉馅味道唔错， 馅料份量十足，但略嫌酥皮唔够香脆， 如果可以更松化， 必定更好食。【 黑松露忌廉蘑菇汤】，一饮落口就可以饮得出系蘑菇打出嚟嘅味道， 加入忌廉后口感更滑溜， 而且黑松露味亦比想像中突出， 配埋脆卜卜嘅蒜蓉包，唔错。主菜系列有【 美国顶级1855安格斯肉眼扒】, 呢块肉眼扒牛味相当突出，肉眼扒煎得刚刚好，既唔会渗出血水， 肉质亦相当粉嫩。
由于我哋嘅开餐时间尚早，餐厅都未算挤满食客， 一入去就见到一盏好华丽嘅水晶吊灯，餐厅里面嘅玻璃可以望通出面嘅街道，感觉非常开扬。 入夜嘅时候天色昏暗，水晶吊灯就更显得有气派。
我哋叫咗一个二人餐，另外加咗个意大利饭。呢度嘅二人餐价钱相当抵食，$488， 就已经有齐两个头盘， 两个主菜， 同两个甜品。
先讲吓头盘【烟鸭胸沙律】， 烟鸭胸大大块， 又唔会好咸， 沙律菜上面淋上日式麻酱，大人细路都钟意， 而且沙律菜非常新鲜， 食落爽脆。
另一头盘【 酥皮肉馅批】， 肉馅味道唔错， 馅料份量十足，但略嫌酥皮唔够香脆， 如果可以更松化， 必定更好食。
【 黑松露忌廉蘑菇汤】，一饮落口就可以饮得出系蘑菇打出嚟嘅味道， 加入忌廉后口感更滑溜， 而且黑松露味亦比想像中突出， 配埋脆卜卜嘅蒜蓉包，唔错。
主菜系列有【 美国顶级1855安格斯肉眼扒】, 呢块肉眼扒牛味相当突出，肉眼扒煎得刚刚好，既唔会渗出血水， 肉质亦相当粉嫩。薯菜亦相当特别， 有原只焗薯， 上面有酸忌廉同埋rosemary， 而且仲有西兰花、椰菜花同车厘茄， 点埋烧汁就更加好味啦。
【 龙虾汁大虾意粉】，龙虾汁味道浓郁，自家制嘅意粉口感烟韧，可见大厨嘅心思。而上面嘅大虾亦非常新鲜，虾头嘅虾膏甘香，虾肉弹牙， 绝对系诚意之作。
【 法国黑松露野菌忌廉鹅肝意大利饭】， 一传黎就闻到好香嘅黑松露香气，意大利饭粒粒饱满，不过咬口较为淋身，但啱晒老豆妈咪口味， 上面嘅鹅肝煎得好香，外层够晒焦香， 而且菇菌亦好多，正~~
最后嘅甜品有【 蓝莓new york cheesecake】，芝士味够晒浓， 而且亦都有柠檬香气，食落亦唔会太漏， 上边嘅蓝莓果酱酸酸甜甜，好味到大家都争住食。
最后叫咗杯特饮【冻朱古力】， 呢杯冻朱古力上面有一层忌廉， 朱古力未够晒浓郁， 又唔会太甜， 用嚟衬埋蓝莓芝士蛋糕， 就最夹喇。
老豆同妈咪都食得好开心， 都大赞呢度嘅嘢食好味， 而且呢度环境又舒服， 下次一于试下呢度嘅早餐先~
张贴
