影片
更多
2010-05-22
234 浏览
师傅迟迟都未同师母庆祝母亲节, 点解? 莫非系师傅冇心肝? 非也, 非也! 实情系师妹回港在即, 于是宁愿等埋佢, 一家人齐齐整整食餐母亲节饭仲好啦! 话晒师傅都有好多年冇同师妹一齐庆祝母亲节了!终于师妹回港了, 再拣埋日子, 但迟迟都未谂到食咩好, 而师傅就为左呢一餐饭都谂到头都爆, 事关师母食野都几奄尖, 种类选择太少, 同师妹商量过后决定以中餐为主; 但到底去边间食店好呢? 毫无头绪下上黎呢个网度睇下, 无意间见到呢间食店, 觉得唔错, 加上师傅好多年都冇黎过, 决家一家人黎会一会佢!于是订定位, 四位姚氐七点钟准时去到, 被安排坐于楼上; 坐底后即刻睇下有咩野想食, 大家商量左一阵, 最后拍板落单有云英鸡半只, 白灼虾斤半, 豉椒炒圣子王, 椒盐白饭鱼, 例汤-唐心粉葛煲蚝豉唐排, 虾酱通菜, 蒜烧牛仔骨同埋味菜炒鹅肠! 四个人食八道菜, 一d都少野架!正喺等待嘅同时, 师傅就饮下杯茶倾下计, 饮左两啖发觉杯茶好重漂水味, 起初以为系个茶壶有漂水, 但实情系只杯超重漂水, 最后师傅成晚都冇饮到杯茶喇! 等左一阵率先登场嘅当然系白灼虾, 杯都未举大家己经开餐, 无计啦四位姚氐全部
终于师妹回港了, 再拣埋日子, 但迟迟都未谂到食咩好, 而师傅就为左呢一餐饭都谂到头都爆, 事关师母食野都几奄尖, 种类选择太少, 同师妹商量过后决定以中餐为主; 但到底去边间食店好呢? 毫无头绪下上黎呢个网度睇下, 无意间见到呢间食店, 觉得唔错, 加上师傅好多年都冇黎过, 决家一家人黎会一会佢!
于是订定位, 四位姚氐七点钟准时去到, 被安排坐于楼上; 坐底后即刻睇下有咩野想食, 大家商量左一阵, 最后拍板落单有云英鸡半只, 白灼虾斤半, 豉椒炒圣子王, 椒盐白饭鱼, 例汤-唐心粉葛煲蚝豉唐排, 虾酱通菜, 蒜烧牛仔骨同埋味菜炒鹅肠! 四个人食八道菜, 一d都少野架!
正喺等待嘅同时, 师傅就饮下杯茶倾下计, 饮左两啖发觉杯茶好重漂水味, 起初以为系个茶壶有漂水, 但实情系只杯超重漂水, 最后师傅成晚都冇饮到杯茶喇! 等左一阵率先登场嘅当然系白灼虾, 杯都未举大家己经开餐, 无计啦四位姚氐全部同虾有仇, 唔即刻食就有鬼喇; 白灼虾大细适中, 入口新鲜爽口甜美, 非常之有虾味, 师傅都有好耐冇食过咁鲜嘅白灼虾, 真系非常之正!
食紧灼虾时, 其他嘅菜式亦陆续登场, 云英鸡卖相甚靓, 肉身十分松身, 而且非常滑溜, 少少韧都冇, 而滑又松嘅鸡师傅都好耐冇食过, 不俗; 豉椒炒圣子王一碟有四只, 但真系十分大只, 豉椒味唔会十分浓, 而圣子炒得爽口, 味道鲜甜而且唔韧, 非常好味, 但唯一扣分系有沙, 虽然唔系只只有, 但已经足够影响口感, 师傅觉得应该可以再好少少! 例汤系唐心粉葛煲蚝豉唐排, 每人分到一大碗, 汤煲得甚有火喉, 够甜又冇味精, 真系好过饮茶呀!
虾酱通菜系属于粗身嘅通菜, 虾酱味唔系特别浓而且炒得唔油, 加上通菜嫩绿, 十分唔错; 蒜烧牛仔骨师傅就食唔出佢系烧, 而且蒜味唔算好浓, 牛仔骨肉身唔韧, 都几好味; 味菜炒鹅肠师傅觉得味道一般, 无可否认鹅肠系炒得非常爽口, 但系味道就系十分之淡口, 皆因师傅试过d味菜根本唔够味, 唔咸唔酸, 所以根本带唔出d味道, 普通d啦; 最后系椒盐白饭鱼, 卖相十分之讨好, 入口非常松脆, 但绝对食唔到有白饭鱼, 感觉似食炸粉多少少, 而且油味甚重, 冇下次!
总括黎讲食物质素尚可, 服务殷勤有礼, 作为一间老店仲有咁嘅服务真的要加许下, 环境一般尚算干净, 价钱十分相宜, 咁样食法埋单七旧水有找, 绝对抵食; 食完饭望下只表, 八点都未到,师傅估到呢间食店系会食得快, 但断估唔到会喺一个钟头内搅掂; 虽然系一小时速食, 但大家都食得开心, 咁嘅价钱有咁嘅水准, 掂呀; 有机会都会再黎, 因为好想试个砵酒焗生蚝, 同埋食白灼虾都已经值回票价, 笑脸系值得一比!
张贴
