金山海鮮酒家

营业中

休息中

想食地道風味，友人推薦這海鮮酒家，雖然地方門面有歲月痕跡，但實在抵食不用錯過，要支持下老舖。#南乳吊燒雞，大大隻，肉質嫩滑多汁，南乳味不會搶去雞肉味，老店才有這味道。#馬拉盞海鮮豆腐煲，海鮮足料，有魷魚、蝦、魚塊，豆腐又滑溜，配馬拉盞非常惹味。#沙拉醬燒骨，一上菜傳來陣陣香味，急不及待的搶食，影相都影唔切，甜甜好送飯。#黃金墨魚餅，大大塊非常脆口彈牙。#足料豬肺湯，食完熱氣野，都想清清地飲下湯，這個老火湯，清潤滋補。

好友請食生日飯，想食海鮮又唔想山長水遠，佐敦金山海鮮酒家就最正。環境懷舊，店員服務熱誠對我嚟講赢哂。🥢豉椒炒蟶子，大大隻肥美肉厚🥢馳名乳鴿，有少少嚡🤭🥢鹽焗奄仔蟹，蟹膏迫爆🎉🎉🥢椒鹽瀨尿蝦，鮮味十足加埋椒鹽非常惹味🫰🏻🥢果皮蒸斑頭腩，斑腩算鮮熱食最好😂

叫咗個脆皮豬大腸 賣相可以 但係不單止唔脆 朋友食完都要吐返出來 根本咬唔到我叫經理退掉 佢話下次如果退 早啲講其實我已經反映咗俾夥計知 完全冇任何動作雖然退咗單 經理5分鐘之 佢仲話啲豬大腸好好食 我真係無語其實食物質素不算很差 價錢也不貴但係呢間老店 冇咗以前的風采 不思進取 唔值得再去

瀨尿蝦非常出色、爽脆口感、避風塘炒、麻香香辣、大大隻、會有埋紅色膏、食完一隻已經半飽、豬大腸香脆有香味、避風塘炒蟹🦀又十分滿意、滿瀉的紅膏、食落有滿足感！送飯一流😆

我哋一家真係好鍾意食金山，每逢過時過節、生日慶生，諗唔到食咩嘅時候，都會揀食金山。今次我同細佬發辦，所以幾乎全部都嗌晒海鮮。細佬鍾意食蝦蟹甲殼類，所以嗌咗花甲王、大鬼蝦、奄仔蟹，我就揀咗一條東星仔同窩貼蝦膠小棠菜，當然炒菜同肉類都唔少得，就各嗌一樣。大鬼蝦我哋揀咗豉油皇做法，因為走過油，蝦殼勁香；花甲王就用咗最普遍做法，豉椒炒，夠晒惹味。奄仔用鹽焗，爆晒膏，yummy！條東星仔蒸得啱啱好，我一個人差唔多KO咗半條；窩貼小棠菜炸得香酥，蝦膠彈牙，媽咪食得好開心，仲話下次要再嗌。

朋友生日，揀咗呢一間中菜館食，已經好多年冇嚟啦，依然旺場！🥬窩貼鮮蝦小棠菜 外皮依然香脆鬆化，蝦肉爽 小棠菜甜🦐芝麻蝦餅芝麻同蝦都超香 而且不會食到一口油🥗勝瓜雲耳洋蔥鮮魷 食得舒服的小菜，勝瓜雲耳爽甜，先有煮得啱啱好，唔會好難吞🐟砵酒銀山焗鱔球一打開錫紙 香到不得了酒同醬油香味撲鼻 鱔球爽甜鮮味🐷脆皮酥炸大腸送酒神器 沒有異味 又酥又脆🐣雞蛋焗魚腸 呢道菜已不是周圍有得食了 雞蛋軟滑，表面呈金黃色,既有蛋香又有魚香,外脆內軟. 魚腸肥美滑溜不腥,魚油滲到雞蛋裡,入口甘香而不苦澀,在上面灑一點胡椒粉更添滋味🍲琵琶豆腐琵琶豆腐為老少皆宜嘅菜式；豆腐混合埋鯪魚肉滑上加滑；蒸熟後再炸至金黃， 外脆內滑，又係好快清曬既一碟餸🦪蒜蓉粉絲蒸扇貝這個菜最重要海鮮嘅新鮮同火候 墊在扇貝的粉絲吸收晒扇貝的鮮、蒜蓉的香，加上彈牙鮮甜的扇貝，真是啖啖鮮甜又彈牙🧆菠蘿生炒骨 又一送飯神器 生炒排骨，酸甜度適中，香味濃郁。包裹的糖醋汁亦沒有過量，恰到好處，排骨肉味香濃不柴不會過肥

附近做完野，朋友即興話食晚餐，就搵左一間老店食中菜，餐廳係地鐵站附近都幾易搵。但由於即興關係，要等一陣位先可以入座。雞蛋焗魚腸好耐冇食呢啲舊式菜，幾好食。有大量芫茜同葱，唔會食到魚腸嘅魚腥味。雞蛋卻蒸得啲老。窩貼小棠菜好特別嘅菜式。內裡係墨魚膠同小棠菜碎，口感彈牙，小棠菜份量唔多。外皮煎得香脆，但偏油。牛油白飯魚好香牛油味，炸粉唔特別厚，香口野好啱飲啤酒。京都骨拼大腸大腸比較肥美，唔錯。京都骨幾好肉，醬汁唔錯。沙拉骨呢個係一個小誤會。待應推介呢個，我地諗住係出名小菜就話好啦，點知原來同京都骨拼大腸係一樣嘅，有啲失望2道菜一樣，如果侍應能夠提點一下就更好了。豉椒炒蟶子蟶子好大隻，夠爽口，眨眼就清左碟了。價錢偏貴，份量較細碟，性價比屬一般。

上個月做冬食完金山，埋單嗰陣就順手訂埋團年飯，不過可能大廚提早放假過年，今餐水準竟然大跌watt。今日嗌咗上湯焗龍蝦配伊麵底，清蒸東星斑，雞油豆苗，炸大腸，蝦仁炒蛋，京都骨，辣酒煮花螺，小炒皇。今日除咗個龍蝦正常發揮，其他都有啲失望。條東星斑雖然蒸得滑，但個豉油太鹹，敗筆。而上次食過好好味嘅炸大腸，今次則因為大部分切得偏厚，冇上次咁薄，而冇咗嗰種超脆口感，唔係淋嘅，係唔夠脆有少少硬。而個辣酒煮花螺，啲螺入唔到味，如果唔配埋啲汁同配菜食就會好寡。蝦仁炒蛋啲蛋係滑嘅，但調味重手咗，偏鹹。而今次個雞油豆苗則太老，唔係炒過火，係啲豆苗本身就勁老，食落有渣。😔😔小炒皇正常，為咗湊齊8樣，另外加咗個京都骨，不過送上枱嘅時候我呆咗，竟然係排骨嚟……以往喺其他餐廳食，唔係用豬扒整就係用一字排整，好少見人用排骨整，其實味道ok嘅，不過同想像有落差。總括今餐團年飯，整體都偏鹹，同一向食開嘅金山水準差好遠，味道仲差過新舖，極度懷疑係本身個大廚放假，其他人頂上主理，畢竟幫襯咗十幾年，從來都冇失望過。🥲🥲

每次想食海鮮就會去金山，皆因平靚正啲侍應叔叔又好招呼，老舖唯一缺點可能就係啲位比較逼，坐得冇咁舒服。因為冇大瀨尿蝦，所以今日揀咗食龍蝦，24蚊両西澳龍，上湯焗配伊麵底，啖啖肉好鮮味。我就最鍾意食佢嘅砵酒焗鱔球，好味又唔使吐骨，肉脆彈牙。另外嗌咗一份炒蟶子皇，啱啱好4隻一人一隻。老豆想食豆腐，嗌咗個海鮮豆腐煲，出面餐廳嗰啲，通常嗰啲所謂海鮮都係雪藏魚柳，魷魚，蝦仁仔，但金山嘅海鮮豆腐煲，則係用鮑片，桂花蚌，大蝦，帶子，十分足料。金山作為一間老牌食肆，懷舊菜式當然唔少，喺餐牌見到炸大腸同芝麻蝦餅（其實係傳統蝦多士）梗係要嗌啦，2樣都冇失望，大腸勁脆唔油，清晒啲肥膏薄切炸脆，蘸埋個甜酸汁配菠蘿食，好味！而個蝦多士爽身脆口，塊麵包完全冇油膩感，咬落去冇油，真係好考功夫。另外仲嗌咗個雞油豆苗，今日啲豆苗好嫩，食完好想encore，可惜已經嗌咗6樣嘢，又食唔到8樣，惟有唔encore個豆苗啦！以前去老舖食，臨尾一定會送綠豆沙，可惜疫情復業後就冇送糖水lu...佢個臭草綠豆沙真係好好食㗎，可惜……

朋友好鍾意依間超老牌酒家，話食海鮮同蒸魚唔錯 所以介紹嚟食。辣酒花螺湯汁襯熱飲咗兩啖都唔錯，有啲芽菜、菇、粉絲。粉腸魚卜煲幾正，兩樣食材本身都鍾意食，魚卜夠滑唔腥，粉腸都係要襯熱食就好粉好軟腍一凍咗就硬。雞蛋焗魚腸出色過彪記，魚腸唔腥，另外再加啲胡椒粉一齊食，值得叫。本來想問魚缸仲有咩魚，佢話全部同一種 得返星斑。傳統啫啫煮法雖然”Really not my thing” 因為好怕煮到柴嘅雞肉，豬膶都有啲過熟。但雞煲比陳根記好。不得不說菜乾豬肺湯幾好，料足，豬肺乾淨好食。整體食物OK，不過有心理準備環境會有🪳

朋友回港相約食晚餐佢特別揀咗呢間菜館，係佢以前經常幫襯呢度仲係以前舊式的裝修，紅地毯配白布圓枱坐底睇吓餐牌，都幾多海鮮選擇我未食過，而且佢聽日飛啦，當然由佢發板-聖子食落鮮味、爽口，配埋豉椒汁好惹味/海鮮豆腐煲有蝦、帶子、魷魚、炸豆腐、白菜仔蝦都唔細隻食落夠爽同鮮帶子同魷魚都好新鮮炸豆腐吸哂個汁好好味/朋友太掛住而叫的南乳羅漢齋煮得非常入味👍🏻椒鹽瀨尿蝦，上菜時賣相已經好靚仔瀨尿蝦外皮酥脆香口，食落肉質軟嫩爽滑加埋椒鹽嘅香味，真係無得頂～整體食物不錯，特別海鮮好食可以再來～

友人提議去依間舊式飯店食，就一於去試吓，順便慶祝朋友生日，擺低咗個蛋糕好得意，因為友人有訂位，飯店會響個牌寫底有蛋糕🎂邊個訂左位咁😂分別叫咗蒜蓉粉絲蒸扇貝、椒鹽賴尿蝦、、南乳（雲英雞）、炸大腸、魚湯浸魚腐菜苗、腐乳、通菜、乳鴿，整體食落我覺得還好啦，無特別好高興，因為有更好嘅試過，或者係食個人情味啦因為店員都好風趣，主動會問上得個蛋糕未，成件事雖然冇驚喜，但係好搞笑！慶幸冇切餅費，我覺得價錢上都算可以啦，不過有得揀會食其他

椒監白飯魚拿出來是凍，班頭腩煲不新鮮，服務欠佳，只係不斷叫你叫海鮮，最恐怖老鼠橫行！我不自覺嘩了一聲，竟被收銀員責駡！態度惡劣！話我會嚇到啲人客！永不光顧！食物全不夠熱！食食下都驚怕老鼠走在我們枱底！

金山飯店 佐敦舊舖計下計下…原來好耐無去過金山食飯…因為之前覺得味道跌哂watt…又人多…今次朋友話好耐無試不如去試下…又俾次機會你先點左炸子雞…奄仔蟹…琵琶豆腐…豉油王蝦…聖子…芝麻蝦多士等等整體質素比上一次好左既…不過感覺去唔番以前既水準。可能d老師父都退哂休…其中一味鎮店之寶芝麻蝦多士依然keep到水準而我個人覺得琵琶豆腐就最好味…我好鍾意食呢味野…不過而家好多地方都無做呢個小菜…就算有做都做得唔好食。呢度食到又好…確實味有驚喜

鍋貼鮮蝦小棠菜～可以一試椒鹽鮮魷～還可以，但如果有其他野想試，可以留返個quota去試其他菜式薑蔥桶蠔～味道正常豉椒炒蟶子～調味太甜，可能偶有失手魚湯魚滑浸菜苗～每餐總要有啲纖維落肚先balance。。。完東星～餐廳做緊特價推介比客人本身想叫瓜子斑，侍應推介東星話抵食，試下上菜後後悔冇堅持初衷芝士龍蝦伊麵～呢個係全晚最好食伊麵好彈牙，唔會淋之之