影片
更多
2009-12-08
37 浏览
细路仔o个阵,睇无记的"娱乐金鱼眼"时,片中一众主角系学校小息/食饭时间,一定会疯狂飞奔去小食部排队抢购"炒面三文治包".系d疯狂ga剧情底下,一个"炒面三文治包"可以好轻松咁收买一个人ga人格!(笑)真系咁好味!?呢个问题我一直得唔到答案!所以,留意到系香港都有专门卖呢种炒面面包ga专门店后,忍不住要试一试!星期日,元朗亦都系人头涌涌!连同两位午餐未有著落ga朋友一齐系人山人海ga千色广场附近四处搜索.结果行左一个大圈先见到目标店.店面都几细,去到ga时候无咩人,有几个露天坐位,及占据商场半个出口ga折凳位.三人商议后都系决定堂食坐下,三个人就三种包,决定之后三个轮住排队落单坐低一边睇住有吴宗宪大哥ga台湾介绍炒面面包ga游戏节目一边留意随后ga顾客兼等食.不知是否新店ga关系?包款ga选择不多!只有六款而己!我地分别点了:夏威夷鸡肉,黑椒猪肉,奶油培根每一款包都是一律$16........除了夏威夷鸡肉外都加了$4的起司.跟包叫饮品的话$7,都系台式饮品,但系同d包ga款一样选择唔多......结果两杯珍珠奶茶,一杯水蜜桃绿茶.饮品到手后,再等了五分钟左右,开始有得食了.先来ga系
真系咁好味!?呢个问题我一直得唔到答案!
所以,留意到系香港都有专门卖呢种炒面面包ga专门店后,忍不住要试一试!
星期日,元朗亦都系人头涌涌!连同两位午餐未有著落ga朋友一齐系人山人海ga千色广场附近四处搜索.结果行左一个大圈先见到目标店.
店面都几细,去到ga时候无咩人,有几个露天坐位,及占据商场半个出口ga折凳位.
三人商议后都系决定堂食坐下,三个人就三种包,决定之后三个轮住排队落单坐低一边睇住有吴宗宪大哥ga台湾介绍炒面面包ga游戏节目一边留意随后ga顾客兼等食.
不知是否新店ga关系?包款ga选择不多!只有六款而己!我地分别点了:夏威夷鸡肉,黑椒猪肉,奶油培根每一款包都是一律$16........除了夏威夷鸡肉外都加了$4的起司.跟包叫饮品的话$7,都系台式饮品,但系同d包ga款一样选择唔多......结果两杯珍珠奶茶,一杯水蜜桃绿茶.
饮品到手后,再等了五分钟左右,开始有得食了.
先来ga系夏威夷鸡肉,黎唔切影相己经被朋友一口咬下去了!(唔系太香或佢太肚饿,只系佢个人系咁,咩都快!)结果只可以影到加左起司ga油奶吐司及黑椒猪肉.
跟据之前ga食评,好多都对该店ga服务给予正面ga评价,可能都系外卖ga关系.......我亦都留意到柜台对外卖客会好落力,至少会问需唔需要胶手套.但系于收银机隔离ga食客不但唔会咁细心,而且数次问及有否垃圾桶亦都无反应(当时系无客人在场要招呼ga).实在难明,正面d睇系,佢地主打外卖市场.......
讲返个主角,炒面面包.在厨房做好之后会先送出去水吧后边度加沙律酱及芝士粉,包装等等ga加工.外表上个面包同一般ga"硬猪"无咩分别.size来讲个人觉得可能真系细左小小.(唔知系咪卡通片ga印象,总系觉得应该个包要长小小.)到手之时,只是微热,可能要用时间影相放凉左.而加左$ga包上有溶芝士,芝士粉.虽然话个包系连同芝士焗过,但香味比预期ga细.食一啖试下,d芝士味比较淡口.我o个个味系奶油培根,d奶油味反而重过芝士味,什至面层ga芝士粉都要比包入面溶左ga芝士香!如果想芝士味重d ga朋友可能选择加$3原块芝士会比较好d,再黎ga就系主要馅料之一ga炒面!
炒面加面包一齐食ga感觉其实都真系有小小怪,一来个包好脆身,但系一咬到d面度就会好似咬唔到野咁.......可能食开一惯肉类,菜类ga馅料所以有d唔系太适应.但系第二个问题系个味道,个饱本身系无咩味,但系做馅料ga炒面亦都系好淡口,一来炒得唔够香,二来个烧汁亦都唔够浓.反而比芝士同奶油抢左味,结果我个人觉得好似无左d面会重好味d......如果改一改个面ga质素会好d.不过不得不赞,成个包又奶油又芝士,仲有烟肉,呢几样咁腻ga食材放埋一齐,都做得几夹!!
至于饮品方面,比较起市面上林林总总的台式饮品专卖店确实系逊色.朋友ga珍珠奶茶质素平平无奇,至于我的绿茶除了甜度控制得几好之外,也觉得好平凡!
总括:一尝了炒面面包算系了却心愿了~同埋,个炒面改进一下,会吸引我多d!但系都会揾机会试下其他口味ga!
张贴
