影片
更多
2020-02-06
230 浏览
2020.01.19 鮨见自从毕业出嚟工作，每年生日都会同一位识左10几年嘅朋友庆祝，而大家都好钟意食日本嘢，今次拣左位于尖东嘅鮨见。鮨见林立于尖东比较静嘅商业大厦之内，附近人流较少。餐厅门口以日式设计趟门，加上日本餐厅帆布帘点缀。餐厅内部一眼可见，吧枱以L型设计，可以坐大约7-8人。(之后先知有一个私人包厢系门口左手边，私隐度高，师傅都会去𠮶边介绍食物嘅)餐厅晚市只有厨师发板omakase选择，有2个set，价钱只差300。每次谂食omakase都系想食好嘢姐，所以每次都会秒速决定食贵啲𠮶个哈哈，而且set b有我最想食嘅海胆杯。鮨见嘅只有一位师傅，系日本人，识讲啲广东话，所有食物都系由佢一位准备，每上一道菜都会尽力介绍到令我地明白为止，好有心！跟住就开始食嘢，中途会不断添热茶。先嚟前菜：师傅亲自腌制嘅芝麻八爪鱼同豆腐，口感弹牙同必须有嘅滑滑茶碗蒸。前菜比较似家庭式料理，设计上系无咩特别，不过呢2样我本身都钟意食。跟住就到刺身assorted sashimi。𩽾康鱼肝配上黑松露：鱼肝脂质丰富，口感绵密（我觉得好食过鹅肝）；黑松露香味四溢，配上鱼肝更能带出鲜味，两者相得益彰。鳕鱼白子：
自从毕业出嚟工作，每年生日都会同一位识左10几年嘅朋友庆祝，而大家都好钟意食日本嘢，今次拣左位于尖东嘅鮨见。
鮨见林立于尖东比较静嘅商业大厦之内，附近人流较少。餐厅门口以日式设计趟门，加上日本餐厅帆布帘点缀。餐厅内部一眼可见，吧枱以L型设计，可以坐大约7-8人。(之后先知有一个私人包厢系门口左手边，私隐度高，师傅都会去𠮶边介绍食物嘅)
餐厅晚市只有厨师发板omakase选择，有2个set，价钱只差300。每次谂食omakase都系想食好嘢姐，所以每次都会秒速决定食贵啲𠮶个哈哈，而且set b有我最想食嘅海胆杯。
鮨见嘅只有一位师傅，系日本人，识讲啲广东话，所有食物都系由佢一位准备，每上一道菜都会尽力介绍到令我地明白为止，好有心！
跟住就开始食嘢，中途会不断添热茶。
先嚟前菜：
师傅亲自腌制嘅芝麻八爪鱼同豆腐，口感弹牙同必须有嘅滑滑茶碗蒸。
前菜比较似家庭式料理，设计上系无咩特别，不过呢2样我本身都钟意食。
跟住就到刺身assorted sashimi。
𩽾康鱼肝配上黑松露：鱼肝脂质丰富，口感绵密（我觉得好食过鹅肝）；黑松露香味四溢，配上鱼肝更能带出鲜味，两者相得益彰。
鳕鱼白子：白子新鲜无腥味，炙烧过后有微微嘅焦香，配上酱油汁，口感嫩滑。（白子系冬天当造嘅产物。食白子绝对唔可以谂佢本身系咩，先真正体会到佢嘅鲜味。）
鳗鱼苗：半透明嘅鱼苗鱼味本来较淡，口感又软又滑，有淡淡鲜味。
蓝鳍吞拿鱼赤身|深海池鱼：师傅教我地要由右边开始食。相信系蓝鳍吞拿鱼赤身，肉质鲜嫩无筋，口感软熟；深海池鱼经过轻微炙烧带出鱼油，香气浓郁，肉质弹牙。
蓝鳍吞拿鱼拖罗|北海道海胆：呢个组合真系令人感动到喊，炙烧拖罗嘅油脂配上新鲜海胆嘅鲜甜，真系人间美食😭
鲍鱼配蟹膏酱：鲍鱼弹牙爽口，配上香浓嘅蟹膏，食哂鲍鱼后，师傅会即刻捏一小球北海道精米嘅饭团，教我地点蟹膏食。
食完刺身都有少少饱，但师傅好快手，已经准备好上寿司俾我地。每件寿司都加左新鲜磨嘅生葵，开胃又醒神。
樱花鲷：命名于鱼肉带有少少樱花嘅颜色，季节限定之一，入口嫩滑鲜味。
深海池鱼（缟鲹）：肉质细致爽口，加上炙烧过嘅鱼皮渗出油份，令人印象深刻。
蓝鳍吞拿鱼赤身：口感柔软无筋，但上面嘅酱汁有画蛇添足感觉。
牡丹虾：虾肉肥硕极富弹性，味道甘甜浓郁，余味悠长，配上毫无腥味嘅淡蓝色虾子。
蓝鳍吞拿鱼拖罗|北海道带子：食紧第N件蓝鳍吞拿，今次界花更密更深，炙烧后鱼油更多|带子肉纹理清晰，鲜美弹牙。
仲有我影得好丑嘅广岛蚝：蚝面轻轻炙烧过，带有微微焦香，内𥚃蚝肉依然鲜嫩甜美。（师傅叫我地一手一口食左件寿司，所以好急无影）
食完寿司，就到压轴出场嘅海胆杯：永远都系必胜嘅海胆、三文鱼籽、甜虾组合，下面系北海道精米。一啖充满鲜味嘅刺身，一啖精米饭中和番，感觉美好。
食完各类刺身后，会奉上用鱼骨煮出嚟嘅味噌汤，有淡淡清香，暖胃一流。
最后以香甜嘅北海道哈蜜瓜作结，好满足。
有机会会再嚟试埋lunch set!
张贴
