影片
更多
2021-08-13
977 浏览
迟来的一餐饭…点解咁讲…原先呢次约定系上年7月发生。点知疫情关系…餐厅暂停营业…之后resume再排队…一队就队到今年7月…整整一年。大家先睇下今晚既菜单芥末麻香花胶冰镇南非鲍鱼鲜青柠口水鸡哈蜜瓜爵士汤赛螃蟹粉法饱鲜头刀咕噜肉陈皮蒸指天翅上汤蒜子菜远朋友试过话好正当然有期望…呢度做野既人得3个…事头婆加一位靓女楼面…事头就系大厨…每上一道菜…事头婆都会介绍一下…点做同点食…呢度都好有纪律…个汁系点花胶…鲍鱼唔俾用😂😂我地一道一道黎…虽然已经唔记得7788…前菜:花胶…已经发好左(废话)…咁发过程就有d上汤咁喂过佢…所以都有基本味道…再点自己调制既豉油…一碟加左wasabi。咁花胶就冰镇上…有好多葱丝可以伴黎食…走青人士就唔使加啦。花胶都几大唔算太厚…都接紧手板咁长…口感都几爽口…点豉油似食sashimi冰镇南非鲍…事头婆就话唔好用刀叉食…要用筷子吉黎食先过瘾…有鲍鱼味😏…味道唔错…口感有咬口又唔会韧…主菜:鲜青柠口水鸡…呢个有惊喜…口水鸡鸡肉准备得唔错…鸡胸唔会鞋柴几嫩下…不过只鸡应该无乜胸…食几旧就无哂。个口水鸡汁有麻又有辣…辣度啱啱好…唔食辣都应该都食到。最惊喜个汁加左青柠…原来同
大家先睇下今晚既菜单
芥末麻香花胶
冰镇南非鲍鱼
鲜青柠口水鸡
哈蜜瓜爵士汤
赛螃蟹粉法饱
鲜头刀咕噜肉
陈皮蒸指天翅
上汤蒜子菜远
朋友试过话好正当然有期望…呢度做野既人得3个…事头婆加一位靓女楼面…事头就系大厨…每上一道菜…事头婆都会介绍一下…点做同点食…呢度都好有纪律…个汁系点花胶…鲍鱼唔俾用😂😂
我地一道一道黎…虽然已经唔记得7788…
前菜:
花胶…已经发好左(废话)…咁发过程就有d上汤咁喂过佢…所以都有基本味道…再点自己调制既豉油…一碟加左wasabi。咁花胶就冰镇上…有好多葱丝可以伴黎食…走青人士就唔使加啦。花胶都几大唔算太厚…都接紧手板咁长…口感都几爽口…点豉油似食sashimi
冰镇南非鲍…事头婆就话唔好用刀叉食…要用筷子吉黎食先过瘾…有鲍鱼味😏…味道唔错…口感有咬口又唔会韧…
主菜:
鲜青柠口水鸡…呢个有惊喜…口水鸡鸡肉准备得唔错…鸡胸唔会鞋柴几嫩下…不过只鸡应该无乜胸…食几旧就无哂。个口水鸡汁有麻又有辣…辣度啱啱好…唔食辣都应该都食到。最惊喜个汁加左青柠…原来同口水鸡呢个汁好鬼夹…呢个化学作用好高评价。我地用行动表示…雀一声扫左…仲帮埋隔离台手…唔好客气😆😆
食完鸡就饮汤…一人一盅唔使争。不过就枉费就我苦练个口可以承受高温特殊技能…以前去饮趐都比人食多两碗😌。雀屎汤以前就西苑饮过…味道唔错除左贵之外。呢度就用左哈蜜瓜…金华火腿…鸡脚…瘦肉…等等…事头婆话无加任何调味。个汤好热…i like it 因为汤要热饮。汤味道好清甜…味道都黎自汤料…是足料的。事头出黎见到我已经饮哂就话…哇咁热你都饮得咁快…d汤出黎有螃成180度…咁样好伤喉咙…我估我饮到喉咙起哂枕了。汤是唔错的…
赛螃蟹粉法包…呢道菜一上事头婆就高调介召每一碟都用左九只蟹包括奄仔蟹…蓝蟹…糕蟹…肉蟹同X蟹(唔系粗口…真系唔记得)。法包就有3款…plain法包…单面有蒜蓉同两面有蒜蓉(我条👅已经得番lam咀呢个功能…食唔出单双蒜蓉分别)…又有唔知几多年既醋可以加黎食…蟹粉下面仲有蒸蛋白。卖相就几有heart…大家见到有只杯…入面都系蟹粉…话食完碟先倒杯入面d果黎食可以保持热度。蟹粉就好澎湃…味道都唔错…不过真系会有d漏。同埋太多食得慢冻左就争d
鲜头刀咕噜肉…咁就用左凤梨…第一刀梅头肉…呢个味道ok…唔突出…可以飞。九龙城聚味轩好味
最后就陈皮蒸指天趐…唔好睇到系蒸指天椒。呢味菜原先系炒饭或蒸马友。咁事头婆问指天趐好唔好…朋友话呢个位好味…咁就要呢个啦…呢个部位好似龙𧄌鱼尾位…好厚皮…好多骨胶原…好啱女士食用…我试左少少就算…不过皮好烟韧…如果你地第日打边炉…有相熟既火锅店…叫条鱼有“沙皮”打炉好正。
菜就唔多讲…都系本地有机农菜
整体野食唔错…好多手工野…如果细食既真系会又食又拎😂😂
张贴
