英王麵包店 (已結業)

本身唔喺抹茶控，不过，一样钟意食抹茶做嘅任何甜品。返归途中，经过「A1」，老婆话请我食蛋糕，无理由唔赏面嘅，众多款式中，见呢款抹茶蛋糕颇有层次，所以，就点中佢。之前都曾经试过佢哋嘅蓝莓挞及蓝莓芝士饼，觉得用料实净，质素唔错，所以，对今次件抹茶蛋糕都有信心。之前，买两件会有个纸盒，今次买一件就有个靓集纸袋，并附上胶叉，总好过上次晌Niji Bistro买两件蛋糕，都只喺好求其一个纸袋装住，完全无为外卖蛋糕做准备，但却欢迎外卖。宇治抹茶蛋糕 $26数一数，有7层之多，包括抹茶海绵蛋糕、抹茶忌廉、红豆蓉忌廉及面层嘅抹茶软浆，但唔明点解蛋糕牌喺写抹茶手指饼，睇同食都喺海绵蛋糕啰。老实讲，个蛋糕嘅味道及口感都好丰富，海绵蛋糕好软绵，抹茶忌廉及抹茶软浆好有香浓抹茶味，但就未喺话去到好甘苦𠮶种，而中间嘅红豆蓉忌廉就嫌红豆极少，突出唔到红豆嘅清甜，不过，整体都属有水准嘅出品。有时，晌啲出名高级啲嘅饼店买件法式靓饼，动辄都四十几蚊起标，有时都唔绝对一定喺好。近年，唔少连锁本地姜卖嘅冻饼，唔单质素提升咗好多，用料有亮点，仲定价相宜，所以，唔需盲目话外国月亮圆啲。