影片
更多
2023-01-20
275 浏览
🌟餐厅：Auntie AYI @wellwellwell📍地址：金钟金钟道88号太古广场LG1楼002号舖💰价位：～$200 - $400⏰营业时间：星期一至日 11:30 - 15:00 / 17:30 - 22:00📱电话：2803 7881想享受传统味道而又充满惊喜既粤菜? 今日就约左一班朋友，黎到位于金钟太古广场既「Auntie AYI @wellwellwell」，等我就带大家一齐穿越古今啦~适逢农年新年将至，餐厅特别推出「鲍鱼 ‧ 三文鱼捞起套餐」，我地一于应下节，拣左呢个套餐试一试~🌟鲍鱼 ‧ 三文鱼捞起六人套餐🌟🔹南非鲍鱼 ‧ 三文鱼捞起🔹红枣螺头炖鸡汤🔹金沙大虾碌🔹清蒸老虎斑🔹发财瑶柱脯伴玉掌🔹怀旧芝麻糖脆皮鸡🔹贺年锦绣炒饭🔹陈皮红豆沙汤圆———————————————————🔹南非鲍鱼 ‧ 三文鱼捞起「捞起」来自于马来西亚及新加坡华人，系农历新年既特色贺年食品，寓意「风生水起」及「越捞越旺」! 餐厅最近就特别推出呢一个咁具特色既食物，有得食之余，仲可以成班朋友一齐动手捞起食物，气氛一流!呢份「捞起」材料非常丰富，除左有青瓜、红萝卜、白萝卜、红黄绿甜椒、紫椰菜外，更有
📍地址：金钟金钟道88号太古广场LG1楼002号舖
💰价位：～$200 - $400
⏰营业时间：星期一至日 11:30 - 15:00 / 17:30 - 22:00
📱电话：2803 7881
想享受传统味道而又充满惊喜既粤菜? 今日就约左一班朋友，黎到位于金钟太古广场既「Auntie AYI @wellwellwell」，等我就带大家一齐穿越古今啦~
适逢农年新年将至，餐厅特别推出「鲍鱼 ‧ 三文鱼捞起套餐」，我地一于应下节，拣左呢个套餐试一试~
🌟鲍鱼 ‧ 三文鱼捞起六人套餐🌟
🔹南非鲍鱼 ‧ 三文鱼捞起
🔹红枣螺头炖鸡汤
🔹金沙大虾碌
🔹清蒸老虎斑
🔹发财瑶柱脯伴玉掌
🔹怀旧芝麻糖脆皮鸡
🔹贺年锦绣炒饭
🔹陈皮红豆沙汤圆
———————————————————
🔹南非鲍鱼 ‧ 三文鱼捞起
「捞起」来自于马来西亚及新加坡华人，系农历新年既特色贺年食品，寓意「风生水起」及「越捞越旺」! 餐厅最近就特别推出呢一个咁具特色既食物，有得食之余，仲可以成班朋友一齐动手捞起食物，气氛一流!
呢份「捞起」材料非常丰富，除左有青瓜、红萝卜、白萝卜、红黄绿甜椒、紫椰菜外，更有南非鲍鱼及三文鱼等高级食材~值得一提既系餐厅员工全程会负责及带领整个捞起仪式，按程序讲返有意头既说话，我地成个过程都好兴奋好开心!
———————————————————
🔹红枣螺头炖鸡汤
呢款炖汤够哂足料~餐厅用左螺头、北芪、党参等药材及瘦肉去炖鸡，汤头十分清澈之余，饮落味道够哂浓郁，正~
———————————————————
🔹金沙大虾碌
呢道菜式够哂惹味~餐厅特别拣选虎虾，将其煎至外层脆卜卜，再混合咸蛋黄快速炒制而成，虾身充满咸香味，金黄色仲好抢眼添~
———————————————————
🔹清蒸老虎斑
值得一赞老虎斑蒸既火喉及时间掌握得岩岩好~鱼肉入口嫩滑，搭配埋餐厅特调既豉油及葱花，更能突显鱼既鲜甜味~
———————————————————
🔹发财瑶柱脯伴玉掌
非常有意头既贺年菜式! 用料有发菜、大大粒瑶柱、豆苗同埋主角鹅掌~我就特别钟意瑶柱! 煮至入味又带点嚼劲，鲜味十足!
———————————————————
🔹怀旧芝麻糖脆皮鸡
呢款系餐厅主打菜式，制作过程繁复，心机菜之一! 餐厅特意以芝麻糖造型摆盘，卖相够哂精致~
每块鸡皮沾满芝麻粒，食落啖啖都充满芝麻香气，鸡肉亦好新鲜嫩滑，大推!!
———————————————————
🔹贺年锦绣炒饭
炒饭好高质! 饭粒够哂干身，蛋汁包满饭粒呈金黄色~配料用上带子肉，再加上葱花粒等，食落好满足!
———————————————————
🔹陈皮红豆沙汤圆
最后当然要食返个寓意团圆既汤圆啦~红豆沙甜而不腻，搭配芝麻蓉汤圆好夹，正~
———————————————————
🔹特色饮品 - 老陈皮冰糖炖柠檬
心思思试埋餐厅既怀旧饮品haha~我就拣左好滋润既老陈皮冰糖炖柠檬，暖胃同时又散发阵阵陈皮香气，饮落甜甜地够哂滋润!
———————————————————
😋味道：4/5
🏢环境：4.5/5
💁🏻♀️服务：4.5/5
💵价钱：4/5
🤟🏻性价比：4/5
———————————————————
👅整体小总结
特别一赞餐厅既装修，古色古香得黎又带点摩登既感觉，好有穿越feel!食物方面亦无得弹，无论摆盘、菜式设计及味道都好有水准！岩哂同屋企人/朋友黎呢度叹返餐高质既中菜!
张贴
