影片
更多
2018-10-14
310 浏览
还记得第一次饮到丸茶手作的芋头拿铁那份惊喜与激动，第一次饮到打成芋泥近乎冇颗粒的芋头拿铁，觉得好新奇。可惜后来几次再试，都再冇这种效果，又变回块状芋头，同其他店铺的同类产品差别减少左。继周五饮完天仁的芋香鲜奶绿再度失望而归，今日系尖沙咀试完迷客夏的大甲芋头鲜奶，觉得有惊喜又未够喉，决定即刻翻红磡饮多杯丸茶手作的芋头拿铁，黎一次三间大对比。今日的丸茶手作好争气，可能客人少，芋头打得好碎，重拾第一次的芋泥口感。【芋头份量】丸茶手作＞迷客夏＞＞天仁【芋头size(细→大)】丸茶手作(今日)＜迷客夏＜丸茶手作(大部分时候)≈天仁【芋头甜度】天仁(半糖)＜迷客夏＜天仁(全糖)＜丸茶手作【芋头质地】天仁水平唔稳定，一时好粉一时好脆；丸茶手作普遍粉，打成芋泥更加滑；迷客夏口感介乎粉同绵滑之间，有独特嘅奶香味，食落仲会有甜味渗出。【整杯甜度】天仁(自由搭配)，迷客夏＜丸茶手作【奶味】天仁＜丸茶手作＜迷客夏【与牛奶的契合度】迷客夏＜天仁≈丸茶手作(大部分时候)＜丸茶手作(今日)【价格】天仁＝丸茶手作($26)＜迷客夏($32)【总体喜好度】天仁≈丸茶手作＜迷客夏整体黎讲，以前系天仁的天下，依家越做越差，
继周五饮完天仁的芋香鲜奶绿再度失望而归，今日系尖沙咀试完迷客夏的大甲芋头鲜奶，觉得有惊喜又未够喉，决定即刻翻红磡饮多杯丸茶手作的芋头拿铁，黎一次三间大对比。
芋头拿铁
$26
47 浏览
0 赞好
0 留言
今日的丸茶手作好争气，可能客人少，芋头打得好碎，重拾第一次的芋泥口感。
【芋头份量】丸茶手作＞迷客夏＞＞天仁
【芋头size(细→大)】丸茶手作(今日)＜迷客夏＜丸茶手作(大部分时候)≈天仁
【芋头甜度】天仁(半糖)＜迷客夏＜天仁(全糖)＜丸茶手作
【芋头质地】天仁水平唔稳定，一时好粉一时好脆；丸茶手作普遍粉，打成芋泥更加滑；迷客夏口感介乎粉同绵滑之间，有独特嘅奶香味，食落仲会有甜味渗出。
【整杯甜度】天仁(自由搭配)，迷客夏＜丸茶手作
【奶味】天仁＜丸茶手作＜迷客夏
【与牛奶的契合度】迷客夏＜天仁≈丸茶手作(大部分时候)＜丸茶手作(今日)
【价格】天仁＝丸茶手作($26)＜迷客夏($32)
【总体喜好度】天仁≈丸茶手作＜迷客夏
整体黎讲，
以前系天仁的天下，依家越做越差，芋头越黎越少，甜度无论点要求都净系得翻全糖同无糖嘅差别。
丸茶手作嘅正常版就真心冇咩特别，相当于一杯当年的天仁，份量够晒。
而芋泥版嘅丸茶手作，确实值得独霸一方，口感满分，美中不足系太甜，甜到完全遮盖牛奶的鲜味，甚至甜到喉咙都唔舒服。
迷客夏作为新宠，只试过一次，发挥是否稳定尚待商榷。但绵密又粉糯带奶香嘅口感确实令我心动，可惜份量不太多而且总有一种同牛奶分离的感觉。
另外，唔知点解丸茶手作的芋头拿铁只有冻饮，我谂冬天嘅时候都几可惜应该会唔想饮。
【题外话】试过芋头拿铁加紫薯珍珠，黑芝麻珍珠，同芒果珍珠，发觉竟然系芒果珍珠最夹。紫薯珍珠食落似番薯干，黑芝麻同芋头都浓味，反而芒果珍珠好清新，稍微中和到芋头拿铁的甜腻。但鉴于自己唔中意珍珠，今日冇加珍珠。
张贴
