深宵食堂 (已結業)

之前一直都好钟意嚟深宵食堂嘅原因之一，就系因为每次嚟亲揾位坐低嘅时候，每个位都有薄荷糖送，咁好嘅服务，当然要嚟多几次啦。另外一个原因，梗喺因为呢度嘅野食啦！炒什菜，第一次嚟食嘅时候觉得佢真系好似一碟沙律，不过睇真啲，其实佢都可以算系炒嘅沙律，对于食斋嘅朋友或者减肥嘅lady应该会好钟意呢碟𩠌，唔单只唔油腻，而且青菜嘅咸度适中。...冬菇，再普通不过嘅食材，不过人地就可以将冬菇整成一碟𩠌！！真系好神奇，冬菇咬落去鲜嫩多汁，煲得好淋，而且每旧冬菇上面都加咗少少木鱼上去，口感更加特别。而且卖相都ok多春鱼，呢度嘅多春鱼都算ok大条，而且一碟都算大份，不过鱼春就少咗啲。不过啲鱼春都系好好食，而且多春鱼系烤嘅，口感脆脆地，好味！自家制猪软骨，之前对猪肉一直都唔系好like，不过呢度嘅猪软骨真系令我对猪肉稍为有翻些少好感，呢度嘅猪软骨嘅酱汁系自制嘅，所以味道好特别，而且软骨真系好多~~卜卜脆！！