六福菜館

营业中

休息中

星期日 打算去塔门行下 亲亲大自然 但懒床 迟左入西贡 于是系西贡市中心逛逛 晚餐已经预先订左位 米芝莲一星菜馆本小姐唔系太食得海鲜 会有敏感 所以 决定去西贡食饭 可以悭唔少 我地两个人决定叫三𩠌一汤 加 白饭 (冇得任装)西贡鱼汤- 好浓鱼味 个汤系奶白色 系用蕃茄薯仔煲 唔太咸 应该冇落味精 两个一叫一碗都够 一碗有两只饭碗份量椒盐鲜鱿-份量都几多 好大碟下 炸粉一d都唔厚 脆卜卜 鱿鱼好新鲜 好爽口 一d都唔腥 有鲜味 唔会过熟同林身 盐水煮西贡鱼仔-好简单材料去蒸 陈皮同葱 就已经食到鱼仔既鲜味 好有鱼味 肉质唔会莓 虽然细细条 但唔多骨 之后问左个侍应 鱼仔叫齐头闸咸鱼炒凉瓜- 即叫煮炒 上菜时热辣辣 出哂烟 飘来阵阵咸鱼香味 虽然系有咸鱼 但一d都唔咸 好好味 凉瓜都好爽口 唔会煮得太甜 食到凉瓜既苦味 饭后仲有清甜既哈密瓜画上完美句号 员工殷勤有礼款待 值得赞赏