影片
更多
2022-05-23
108 浏览
男朋友又带我食好嘢啦，今日嚟到呢一间望住旺角辽阔景观嘅西餐厅！新鲜生蚝气氛咁好嘅环境下就系想叫啲美食衬托返，于是打头阵就叫咗生蚝！上盘一共有六只，都对得住价钱，当中仲分咗两种，分别系爱尔兰同美国品种。两者都好新鲜，海水味浓，开得好，唔会有沙/壳碎。入口一款咸鲜，另一款较creamy甜美，无太重铁锈味道，如果再厚身啲就更满足了～香蒜蜜糖鸡翼同样一共六只，呈现样貌几新颖，唔讲以为系鸡锤～咁样嘅处理方式方便客人食用，一嚟更容易拎住，二嚟又可以食到啖啖肉。第一啖咬落去虽然有酱汁裹住但超级热同脆身，明显即时制作，无翻火，好欣赏。口感同味道方面都几似韩式炸鸡嘅感觉，先系好甜嘅蜂蜜味，然后淡淡蒜蓉同牛油味就渗出，建议挤埋伴碟嘅柠檬调下味，更出色！慢煮黑毛猪鞍扒配意大利黑醋汁及牛肝菌酱摆盘精致，用咗石榴粒同黑醋汁～猪鞍扒置中，下方铺上菌类伴碟。切嘅时候已经感觉猪鞍扒十分软嫩，横切面呈现粉嫩颜色，又保留到肉汁。以慢煮方式处理确实唔错，食落果真好淋，有适当猪味，越咬越香，肥瘦适中有恰当脂肪增添香气。下层配菜份量不少，味道较清淡，整道菜色都唔会好重口味，可以凸显猪胺最原本的味道，推荐。枫树糖浆烧银雪鱼伴牛油
新鲜生蚝
气氛咁好嘅环境下就系想叫啲美食衬托返，于是打头阵就叫咗生蚝！上盘一共有六只，都对得住价钱，当中仲分咗两种，分别系爱尔兰同美国品种。两者都好新鲜，海水味浓，开得好，唔会有沙/壳碎。入口一款咸鲜，另一款较creamy甜美，无太重铁锈味道，如果再厚身啲就更满足了～
香蒜蜜糖鸡翼
同样一共六只，呈现样貌几新颖，唔讲以为系鸡锤～咁样嘅处理方式方便客人食用，一嚟更容易拎住，二嚟又可以食到啖啖肉。第一啖咬落去虽然有酱汁裹住但超级热同脆身，明显即时制作，无翻火，好欣赏。口感同味道方面都几似韩式炸鸡嘅感觉，先系好甜嘅蜂蜜味，然后淡淡蒜蓉同牛油味就渗出，建议挤埋伴碟嘅柠檬调下味，更出色！
慢煮黑毛猪鞍扒配意大利黑醋汁及牛肝菌酱
摆盘精致，用咗石榴粒同黑醋汁～猪鞍扒置中，下方铺上菌类伴碟。切嘅时候已经感觉猪鞍扒十分软嫩，横切面呈现粉嫩颜色，又保留到肉汁。以慢煮方式处理确实唔错，食落果真好淋，有适当猪味，越咬越香，肥瘦适中有恰当脂肪增添香气。下层配菜份量不少，味道较清淡，整道菜色都唔会好重口味，可以凸显猪胺最原本的味道，推荐。
枫树糖浆烧银雪鱼伴牛油大蒜
鱼件有份量，旁边加上点大蒜，牛油味十分香浓。虽然鱼系烧煮但完全无过火，鱼肉依旧保持嫩滑。外边涂抹上糖浆，烤后带点焦香，甜甜地好惹味。而整道菜重点在于鱼身本身质素良好，有适当油脂，一片片鱼肉夹杂住一层层鱼油，咬落系口入面融化嘅感觉简直一绝，推荐！
值得一提系成个用餐经历十分好！侍应态度良好，每食完一样菜式都会主动换碟，定时观察枱面嘅水杯帮客人添水，上菜都唔会叠住一次过出晒，加埋呢个环境同景观，绝对会再来。
餐单如下
张贴
