初.咖啡

营业中

休息中

呢个闹市中嘅宁静空间已经嚟过几次，住得远好少去旺角，但约得朋友去旺角食饭想倾计都会黎♥️今次难得有影相，就想写食评赞赏呢个好令人舒服喜爱嘅空间。首先整个空间间隔都令所有食客好友私人空间，装修同摆设同埋每张枱个间隔都有特登用心谂，而唔系用尽所有空间，重点食物有心思，老板(相信系)仲会好留意同关心食客，听得出介绍自己食材同煮法都好有信心，今次黎仲感受呢份心里热度，好欣赏!我的最爱哈密瓜xParma ham 意大利哈密瓜，劲鲜甜，加埋软绵绵parma ham, 中和甜咸好开胃。每次都秒杀，今次食最后一旧记得影相，但影得样衰。其实以呢个价钱同个份量系比较贵，不过个质素好值得🥲🥳明太子唔辣意粉通常出面明太子意粉都辣我唔太食到，好开心呢度有唔辣，本身我觉得明太子好咸，不过加好香嘅紫菜同捞大啖啲食就好平冲。仲有个梅子粉番薯条好出色，食翻台湾夜市梅子粉地瓜嘅感觉。甜品方面抹茶芝麻tart我钟意但之前无影相，今日同啲朋友叫左pancake, 又靓又好味好少可楼上cafe由小食、主食、甜品、饮品都有呢种质素，同食几次都水准不变，多谢老板同店员用心煮同招呼我唔饮咖啡，不过期待下次带好钟意饮咖啡嘅朋友嚟！