茶湯會 (利園山道) (已結業)

经常饮台式饮品，但就唔系成日见到茶汤会，可能因为唔系太多分店，而且上次试过觉得冇乜特别。周日打风唔成，极度焗促，喺铜锣湾遇上茶汤会，呢间分店貌似开左唔系好耐，店面几大，客人颇多，但等候时间唔长，而且同意前面食评所言，呢度嘅店员好有礼餐牌供应奶茶、鲜调茶、拿铁等 定价$14-28，可加钱配珍珠/红豆/芦荟等。而为坚持品质，不提供去冰。我地点左两杯饮品，企埋一边等叫号，店面都愈黎愈多客人。珍珠红豆拿铁 $27：有别于一般台式拿铁，奶味唔重，茶味亦都有待加强。红豆份量都几多，甜度适中，好似饮紧红豆水咁。珍珠细细粒，有嚼劲，但唔算好烟韧。爱文芒果冰钻 $26：夏季限定嘅芒果系列有三款：冰钻、拿铁、银玉拿铁。有食过台湾爱文芒都知道，呢款芒果甜到不得之了，所以制成饮品都系预期之中香甜。冰块并冇打得好碎，饮落非常冰凉。不过提一提，唔钟意爱文芒唔好立乱点，唔系个个受得了呢种甜啊。