真心泰國菜館 (已結業)

今日成班朋友提起去食泰国野，我就揾左呢间地道泰国菜，7点到步，已经无乜位，等左15分钟就已经可以入座，我地望左餐牌好耐，实在太多野想食，但最后我地就叫左两个套餐，因为包含既款式都有齐大家想食既，包括明炉蒸乌头、泰式通菜、串烧(鸡、猪)、菠萝炒饭、喇沙鸡柳米粉！乌头算系大条，重有好多肉碎，个汤酸得黎好好饮，鱼肉吸收左汤既精华，简直无得弹，而且条鱼一D都唔腥！之后黎左串烧，烧得香之余，配搭既酱汁都好惹味，菠萝炒饭系我既至爱，一上枱，炒饭既香味已经深深吸引住我啦，饭中有菠萝、提子干、腊肉、鸡柳，而通菜真系值得一赞，好惹味而且只系带小小辣，而喇沙米粉个汤就有好多花生粒，米粉分量都几多！