香港大學校友會

营业中

休息中

是日姨妈生日，表姐们话今晚食呢间，话呢度只招待hku学生会会员，我地都系痴住表姐系hku旧生先可以入去食咋，对于几个字，唔多唔少都会有少少期望。由于包左两张枱的关系，我地可以有间房，静静地食饭。推介以下几道:菜胆杏汁猪肺汤，汤较清，饮唔到杏汁味，我以为系普通猪肺菜干汤，而且猪肺切到一粒粒，唔食都唔知系猪肺，不过个汤都几好饮，感觉会好润，所以我都饮左两碗。虾多士，都几好食不会太油，虾原只上，弹牙，好味。有一道成碟系蛋白，下面有好多脆脆炸粉丝，蛋白好滑，连脆脆食好正。整体上食物无乜惊喜，顺带一提系服务都麻麻，所以应该系无下次㗎喇。