椰小盅燉湯專門店 (太古城中心)

营业中

休息中

因为公司喺附近，有时都会落去食，唔知点解最近呢一两个月，质素好飘忽。之前试过饮到唔热嘅汤都算。琴日收工大约六七点左右，想饮下汤，所以叫咗个织金竹笙乌鸡+超值饭餐，平平哋快靓正。点知攞到位食第一啖饭，唔系热嘅，暖暖地又益益地。怀疑攞啲隔夜饭返热。总之食落去唔系新鲜热辣辣嘅饭。汤系正常不过不失。鸡翼又系怪怪地夹起身已经支离破碎，又系暖暖地唔热，卤水鸡翼干争争。成个体验除咗汤之外，其他嘢好似啲卖剩蔗俾你希望老板要跟进返啲员工质素，有待改进。