湘川滬 (+WOO嘉湖二期)

营业中

休息中

呢间中菜馆名字就叫湘川沪，取至于湖南、四川、上海嘅地名。🌄 所以一嚟就可以食晒三地嘅地道美食，试下水准如何先。⁣⁣⁣🤤⁣⁣⁣小笼包（$36）［好味度：8/10］⁣⁣⁣⁣⁣⁣⁣正所谓「越简单嘅嘢，越难做出水准」，要试下一间上海菜嘅嘢水平，就一定要试吓小笼包。🧐 虽然卖相上好似冇乜特别，但系竟然比想像中更好。😀 佢嘅皮真系好薄，但系又唔穿，小心啲就唔会笃爆佢。😉 而入面真系有超大量嘅汤汁，再加猪肉相对较肥，口感就更加饱满，真系唔错。⁣⁣⁣👍🏻⁣⁣⁣酱炒年糕软壳蟹（$138）［好味度：8/10］⁣⁣⁣⁣⁣⁣⁣估唔到作为一间中菜馆，都会有啲fusion啲嘅嘢食㖞。😯 呢个酱汁虽然有啲偏咸，但系够晒惹味，正正可以弥补番年糕本身冇味嘅地方。😆 而且估唔到个酱汁同软壳蟹都好match㗎。😌 软壳蟹总共有三只，切开后总共有六大嚿，一啲都无偷工减料。😌 每旧都充满蟹肉，而且外层酥脆，内里蟹肉鲜嫩得嚟又多汁，真系好丰富。⁣⁣⁣🦀⁣⁣⁣星级步步高升高力流沙奶皇（$60）［好味度：7/10］⁣⁣⁣⁣⁣⁣⁣呢个高力入面唔系豆沙，而系奶皇，感觉几有创意。🤩 而且系即叫即制，新鲜热辣的！糖粉另上，自行加几多都得。😗