Fass (已結業)

我哋一行五人，获安排坐喺大酒桶入面，初初系几开心几得意嘅，仲可以自己校光暗；但愈坐得耐就觉得愈焗，问侍应可唔可以开大啲冷气佢又话啲冷气唔会入到嚟... 如果餐厅可以改善呢个缺点，客人会食得开心啲。［Figs Salad，$138］除左新鲜无花果外，沙律内有火箭菜、菠菜、车厘茄、核桃碎，配意大利油醋汁。其实味道系唔错，但佢叫无花果沙律而无花果含量又极少，收呢个价钱真系有啲贵。［Fass Combo Platter，$268］餐牌上面乜肠都想试嘅时候，叫呢个platter就啱喇。其实食完都唔知边只肠打边只肠，不过印象最深刻系呢个唔知叫咩嘅「肉饼」，个个都话好味。［Roasted Pork Knuckle with Sauerkraut，$198］猪手已经切件，所以食嘅时候好方便。不过食落个皮就有少少太硬，啲肉又有少少太实... 食完一小嚿已经觉得咬到牙骹好攰。我哋五个人叫呢三样嘢已经够饱，因为份量真系几多