Fass (已結業)

老公睇雜誌見到間餐廳有啲特色嘅酒桶座位就 book 咗位帶我過嚟～老實講坐入個大木桶都幾焗但真係一個好獨特嘅 dining experience 食德國菜唔少得要食腸啦我哋叫咗個 sausage 嘅 platter，每隻腸都好食platter 上嘅漢堡扒似手製，都整得幾好喎薯格都好脆～豬手又係必食嘅德國菜菜式好大份㗎，略嫌鹹咗少少不過啲酸菜好好食法式焗蝸牛我就唔係好識欣賞 😅味道都 OK 嘅Dessert 係心太軟，還好～

呢次係第二次黎到Fass,可以黎到呢度其實都係因緣巧合，同事介紹左間飲德國啤既餐廳，話有豬手，有酒桶卡位，有Band唱Live，氣氛好熱烈，我就以為係Fass,於是就帶左幾個Fd過黎食下飲下酒。6點半黎到後因為係星期五，Waitress話要book，我地冇Book到佢都安排左個位俾我地，但叫我地八點半要交位，真係好Full，如果星期六日黎食一定要Book。既然德國餐廳唔食豬手點得，於是我地就Order左佢個招牌德國鹹豬手，不得了，皮脆肉嫩，個皮咬落去卜卜聲，有股膠質係個口入面，好好食！其次我地叫左個腸仔大雜燴 sausage combo ，每樣特色德國腸都有，好好食，不過單食腸仔係會「漏」既，所以配菜就有漬黃瓜同酸菜，酸溜溜好開胃！至於個沙律係Lemon salad， 有d櫻桃蘿蔔片、提子同埋雜菜，個汁酸酸甜甜，幾啱女仔食！重點推介！德國Beer！唔記得乜啤，你同個Waitress講女仔飲唔想咁Bitter，佢就會推薦呢款俾你，有少少檸檬味好清新，食物份量其實唔多，但唔知點解三個女仔食非常足夠，好飽！不過去到最後，要澄清返間鋪頭係冇Band live show，環境唔係好吵好熱烈，但食

Greeting from here. It is my first time to give a review in Openrice so let's have a great meal to start with!Actually it was my second time to have supper here. The food in here is super awesome. If you are a lover of sausage platter as I do, then it is a must-order dish on your list, tho the Schweinshaxe is the most famous dish here (of course i did order one haha). The risotto is on average and the apple crumble is a bit too sweet for me, more cinnamon can be added. It is a nice place for you

近日同班好友去食飯，特地選了呢間環境好特別的酒吧餐廳。餐廳分為兩層，樓上大多以飲酒聊天為主，樓下就別有洞天，有五個大酒桶的卡位(可以坐6位)，非常舒適，真係好少見。聊天時自成一角，唔怕吵到其他人，亦都好有私隱添。🍻👥食物質素不錯，德國腸分量及種類都不少；漢堡扒亦不錯，足料入味。而德國咸豬手就外皮烤焗得比較乾身，外皮食落比較韌身，而肉質分量亦比較少。薄餅就不過不失，煙肉洋蔥芝士等材料分佈平均。另外餐廳的店員服務很欣勤，好有耐性介紹食物。🌭🍖🍕最後，Happy Hour去到20:00，要把握時間早啲去啦。🕗「餐牌」我已經影左上載至openrice既「餐牌」入面啦，方便大家查閱相關菜式。📋

友人生日飯，環境食物都不錯因為早到嘅關係，餐廳不是很多人可以靜靜地傾下計Order 左二個drink啤酒都有幾款選擇，仲有happy hour price豬手做得還可以，都脆值得一去

今晚係尖沙咀行街~經過河內道見到2間德國菜，揀左一間入去食裝修好特別，卡位外有酒桶包住，燈光好暗，2人來食應該係浪漫既~3個人都不太餓，故點了2個main course.一個磨菇意大利飯，一個烤豬手。意大利飯大概20分鐘上菜。飯煮得好硬~d米中心係唔熟舉手問侍應，佢話意大利飯係故意只煮7成熟保留口感。爸爸食唔慣，食一啖就唔食飯的調味係好好，白汁和磨菇味好balance，但實在連我都覺得飯太硬，咬到牙較好攰，只食了一半。豬手等了35分鐘先上菜。好好食呀~~外脆內軟，脆到卜卜聲，調味微咸帶香。屬係香港食過數一數二好味既德國咸豬手~ 十分推介飲品點了bitburger生啤 好香麥味，算是比較濃味的生啤，好飲整體算好評，缺點係飯太硬了點。下次要點pasta同豬手埋單大概$450 3個人

男友買了團購套餐至會識黎食，一入去環境好吸引，有酒桶形卡位傾偈唔錯，之後有兩位菲籍姐姐招呼，coupon中文，佢講菲籍英語，又無menu，但係Main係有得揀嘅，男友一心諗住意粉多數係白汁，佢唔食嘅，聽唔明唯有揀另一款⋯⋯套餐有兩杯啤酒ok好飲嘅德國啤，水牛芝士蕃茄沙律加些綠色醬汁，整個沙律即時濃郁起來味道特別，但我食唔出咩味。話明德國餐，點會少得佢地嘅名物～徳國腸同豬手呢，腸唔會太鹹充滿油脂外皮脆口，好好味。原來個main嘅另一款係白汁黑松露天使麵，平時唔係西餐人，點會識個英文點講，由於男友抗拒白汁，我唯有成碟食哂，幸好整碟天使麵都好好味好多黑松露好香，麵條煮得啱啱好，白汁味又好，有一點點磨菇，不過自己一個隊哂就好飽滯。最後黎豬手成為男友嘅越囊中物我只吃少少，肉好淋皮亦脆，味唔會好鹹可以空口食，整體呢個團購套餐都唔錯

餐廳分兩個時段用餐，我們訂了6:30，8:30前便要完成用餐。如果一大伙朋友要聚舊便會不夠時間，不過我們只是一家人吃飯，兩小時的用餐時間已經足夠。訂枱時我們要求坐木桶卡位，燈光可以自己調較光暗，四個人坐在木桶內感覺好濶落好舒服。薯蓉焗田螺：田螺固然好食，就是連下面的薯蓉都好好食，我們食完一客再叫多了一客。Figs Salad: 菠菜和火箭菜好新鮮，還有很多無花果，因為太美味，很快便被我們消滅了。Deep Fried Camembert Cheese with Wild Berry Sauce: 超好味，鍾意吃芝士的朋友必食推介。Mushroom soup: 上枱時樣子比較稠稀，顏色亦不像磨菇湯，但原來好重磨菇味，還可以吃到磨菇碎。Roasted Pork Knuckle: 豬手上枱時已經起了骨，外皮好脆，肉很腍，完全不覺得肥膩，好好味，簡直「無得彈」。Apple Crumble: 熱辣辣蘋果批加充滿酒香的Rum Raisin雪糕，好好味。Tiramisu: 味道也不錯，不過如果多些rum酒就完美啦！Affogato: 最適合我丈夫，因為有咖啡飲又有甜品吃。Fruit cocktai

晚上與友人酒過數巡，要吃些肉食舒解一下。餐廳內人不多，氣氛緩和，坐到酒桶之內，原來可調校光暗，有情調。沙律菜似解凍未夠，軟綿綿的不夠爽口，無甚爾爾。咸豬手不會太咸，肉很腍，未夠濃味，蘸些芥末醬是易入口一點。德國腸皮脆肉滑，一咬爆汁，膩嗎？以酸菜作伴，一濃一酸，絕配者也。以啤酒做脆漿的炸物似個脆殼包著魚肉，份外鬆脆，炸魚還可以保持濕潤，香口之至！煮熟的意粉撈入蛋黃，又香又滑，少許的火腿，就是小人吃過正宗的卡邦尼意粉！流心朱古力的心太軟濃淡適中，很欣賞。芝士餅亦不過膩，有芝士香但不會過甜。滿足而不為過飽的一頓美味德國菜。

再次係我第一個到，最初去左地面既 Biergarden bar，原來餐廳係要落 basement 架，酒吧先係地舖。地牢德國餐廳，即時令我諗起以前係德國既時候，去由二次大戰防空洞改建而成既德國餐廳食飯，十分相似，好有 feel 呢。內籠裝修都非常德國風，不過聖誕裝飾就有點娘啊。本來環境舒服寧靜又浪漫，不幸地有檯操北方語言既女人連幾個細路嘈到拆天、喧嘩亂叫、高談寬論、鬼殺咁嘈，當左自己屋企咩 ﹗真係大殺風景，將和諧既氣氛完全破壞 ﹗見到貌似老闆娘的跟佢地坐埋一齊喎，不知是否親戚呢？還是熟客？好采不久就埋單離開，即時回復寧靜，唉。 心情平伏後繼續圍顧四週，檯面既聖誕擺設都幾別緻，周遭用上橙色柔和燈光非常溫暖啊。約左八點，我六點半已到左尖咀喇，都無地方行，七點半先坐低啦，早到半個鐘添！老朋友聚會，飲返杯先，但個個未到，唯有自己隊住先。為左打發時間，唯有不停地將 menu 揭上揭落，先計劃好 order 什麼啦。去德國餐廳梗係要飲德國啤酒啦，其他酒吧好少有得供應架麻 ﹗我就試試 Helles 啦，味道好香，以前飲過 Kristall 好似有香蕉味，而 Hefe Dunkel 大麥味濃又帶少許甘

第一次係price買coupon試下食餐廳，以前都試過買其他公司既coupon，估唔到依間餐廳質素比之前既餐廳都好。同老公二人世界，booked 左6:30pm，N2出口一出就係，地點相當好，不過唔係尊登搵都真係唔會覺有依間餐廳，門口太唔顯眼。去到只有3枱客，所以比較靜，好舒服傾計。$308/2人餐，食物都好足夠，份量亦唔少，味道又好，非常抵食。（其實我見menu 正價都唔特別貴），所以好大機會會再番來。食到8pm d 台都唔滿，就明白點解依間餐廳要做 coupon 吸引客。

第2次o係香港食德國菜,發覺佢地都十分注重餐廳裝修,有幾個拱形酒桶嘅包廂,燈光可按喜好調教,先加分.5人叫左3個DISHES.都好足夠.FIGS SALAD: Fresh salad but I expected more figs than only 2 slices.咸豬手一般,皮不是很脆,肉有點過分紮實,充滿肌肉.Sausage combo (Mix all kind of sausages) 好大份好FULL,一致認為似肉餅的PATTY 最好味,冇再去追究材料本身.

一週年下的團購餐，話說生日果餐美味一定在心中，想食好耐，見到團購咁抵，當然毫不猶豫買了～本身約左18:30，但早左到餐廳，餐廳都直接安排了坐位，有點失望，這次沒有坐酒桶，因為星期日餐廳生意應該幾好（是夜的酒桶客人平均都是坐4-6位），訂坐時也沒有指定，所以也沒有為難餐廳，直接坐在旁邊的小桌～芒果特飲～酸酸甜甜很飲yoghurt~都唔錯！講到食物，上次首要想試豬手，而今次就想試德國腸套餐$268，分量很大，味道真的很好，每種腸皮都很脆，又不會太乾，不過單單食腸有少少咸，而且份量太大，適合人多才點～另外是次推薦黑松露蟹肉天使麵$198，麵很爽口，軟硬適中，加上黑松露奶油醬，口味偏重，但味道非常夾，超級美味！心太軟配雪糕$68，心太軟都是即焗，大約等15分鐘，味道不錯，剛好甜味沖走口腔裡的咸味！最特別係可以係上面寫字☺️侍應都好nice,service 唔錯～絕對係一大班朋友約聚餐既好地方！

老公之前係Price度買咗個四人餐券, 於是就嚟呢度試下德國菜!如果唔係買咗餐券, 真係唔知原來呢度有間德國餐廳~因為我訂位前唔知道原來有木桶位, 去緊餐廳時老公講我先知, 即刻打去問可唔可以轉坐木桶, 侍應都好好禮貌, 有幫我地預備咗木桶卡位~講下食物, 其實去之前唔係太大期望, 因為覺得$580去德國餐廳食個四人餐, 可以有咩要求呢?  有豬手食已經好開心!但原來呢個價錢, 都有高質素的!真心地覺得呢間餐廳好得!  我去果日星期六, 6:30pm果輪就9成滿客, 但我食8:30pm果段時間, 就只得半滿....真心擔心好食嘅食店會做唔住....所以今次食完一定要留言推介下, 希望呢D舖頭唔好消失,我唔想食來食去都係大集團旗下嘅餐廳丫!!PS : 坐木桶嘅感覺真係好特別, 但可能食到咁上下, 真係會覺得唔夠冷氣...不過又咁講, 咁坐得入個木桶, 當然空氣就冇坐出面坐位咁流通, 唔通將個木桶開頂咩, 咁就冇意思啦~  所以其實都係可以接受嘅~

先講食物再講服務。呢間餐廳我去過幾次架啦，今次有朋友係外國返黎所以去呢道食，貪佢個酒桶好坐，易傾偈。點知咁失望。deep fried camembert cheese with wildberry sauce - 呢個幾推介，d wild berry sauce 加埋 芝士 超夾。(留意：camembert cheese本身幾味道未必個個鐘意)Highly recommended the camembert cheese, it goes really well with the wildberry sauce. thuringian sausage - 普普通通 - 一般豬肉腸，無特別騷。薯都算滑。overall it was ok, nothing really excited should be expected. spaghetti with clams in garlic, chilli and olive oil - 一個字 - 鹹 !!!! unfortunately this dish was really salty, i hope they didn't do i