正記菜館

营业中

休息中

星期五晚同三个朋友入左元朗食饭，目的系去食b仔，但始终都要食左正餐先打个底，就系b仔附近既正记食下大牌档小炒。我地四个人入到餐厅叫左四个𩠌同一碟通菜，最后都食净，所以可以讲果到既小菜份量都几多。咁𩠌我地就嗌左胡椒猪肚鸡、鱼香茄子、韭菜猪红同椒盐鲜鱿。胡椒猪肚鸡 汤头味道认真麻麻，无咩胡椒既辣感，系街食到既猪肚同鸡件无错大部分都系冰鲜，而因为佢地系冰鲜，猪肚同鸡咬落口淡而无味亦都系我预料之内，之但系连咸菜同胡椒汤都系无咩味，可想而知个汤头只系有颜色既水，所以我地每人食左几啖都无理到呢碟菜喇。鱼香茄子就不过不失，呢碟菜都好难整得难食既。韭菜猪红都系失望既，失望既点唔系在于猪红，系在于佢既汁，个汁杰达达，同猪红一齐放落口，其实食落口个感觉系好唔舒服，好似好唔新鲜，比我既个感觉系个汁煲过好多次咁。加上，张图都应该见到，有d猪红系已经煮到焦侬左。椒盐鲜鱿，系四碟𩠌里最值得推介，因为佢大大件，无咩地方要弹，唔怕热气系绝对推介。最后就略略讲下环境，可能系撞岩果晚食饭，隔离台系一大班中年男人，讲野超超超超大声同系度猜妹，搞到果日我地成班fd倾计系系度嗌出黎，嗌到沙都声埋，完全倾唔到计，因为个环境系室内